بيىل ۇ ب ت وزگەرە مە - ساياسات نۇربەك جاۋاپ بەردى

بيىلعى تۇلەكتەر ۇلتتىق ءبىرىعاي تەستىلۋدەن 5 رەت وتە الادى. بۇل جايىندا عىلىم جانە جوعارى ءبىلىم ءمينيسترى ساياسات نۇربەك Facebook پاراقشاسىندا جازدى، دەپ حابارلايدى Kazinform.

«قۇرمەتتى بولاشاق ستۋدەنتتەر! سىزدەر ءۇشىن ۇ ب ت-2024 وزگەرىسسىز قالاتىندىعىن قۋانا حابارلايمىن. تەستىلەۋدە سىزدەر تەك ەكى ءپان تاپسىراسىزدار: قازاقستان تاريحى (20 تاپسىرما، شەكتى بال - 5) جانە وقۋ ساۋاتتىلىعى (10 تاپسىرما، شەكتى بال - 3) . تاپسىرمالاردى ورىنداۋ ۋاقىتى - 70 مينۋت. ال شىعارماشىلىق ەمتيحاندار جوعارى وقۋ ورىندارىندا وتەدى»، - دەپ جازدى مينيستر.

ونىڭ اتاپ وتۋىنشە، بۇل شەشىم تالاپكەرلەردىڭ قالاۋى مەن بەيىندى ۆەدومستۆولاردىڭ ساراپتامالىق پىكىرى نەگىزىندە قابىلداندى.

«قورىتىندىلاي كەلە، وتكەن جىلى ق ر عىلىم جانە جوعارى ءبىلىم مينيسترلىگى نەگىزگى ۇ ب ت- نى ەكى رەت تاپسىرىپ، ۇزدىك ناتيجەمەن گرانت تاعايىنداۋ كونكۋرسىنا قاتىسۋ مۇمكىندىگىن رەسمي تۇردە بەكىتكەنىن ەسكە سالامىن. ەگەر اقىلى نەگىزدە ءتۇسۋ ءۇشىن ۇ ب ت تاپسىرۋدىڭ تاعى ءۇش مۇمكىندىگى (قاڭتار، ناۋرىز، تامىز) بار ەكەنىن ەسكەرەتىن بولساق، وندا 2024 -جىلعى تالاپكەرلەر تەستىلەۋدەن بەس رەت وتە الادى»، - دەدى ساياسات نۇربەك.

اۆتور

مارلان جيەمباي