بيىل استانادا قانشا بالا مەكتەپ تابالدىرىعىن اتتايدى
استانا. KAZINFORM - استانادا 1-ساۋىردەن باستاپ 31-تامىزعا دەيىن جالپى ءبىلىم بەرەتىن ورتا مەكتەپتەردىڭ ءبىرىنشى سىنىبىنا قۇجاتتاردى قابىلداۋ جۇرگىزىلەدى.
الداعى وقۋ جىلىندا ءبىرىنشى سىنىپقا بولجاممەن 30 مىڭنان استام بالا كەلەدى دەپ كۇتىلىپ وتىر. بۇل تۋرالى استانا قالاسى ءبىلىم باسقارماسى باسشىسىنىڭ ورىنباسارى مارجانگۇل قايىربايەۆا كوممۋنيكاتسيالار قىزمەتىندە وتكەن بريفينگتە ءمالىم ەتتى.
سپيكەردىڭ ايتۋىنشا، استانادا 196 ورتا ءبىلىم بەرۋ ۇيىمى بار، وندا 288000 نان استام وقۋشى ءبىلىم الىپ جاتىر. ءبىرىنشى سىنىپقا قۇجات قابىلداۋ 1-ساۋىردە باستالىپ، 31-تامىزعا دەيىن جالعاسادى.
ءوتىنىشتى www.egov.kz پورتالى ارقىلى ونلاين نەمەسە قاعاز نۇسقادا مەكتەپكە بارىپ تاپسىرۋعا بولادى. مەكتەپتىڭ قىزمەت كورسەتۋ اۋماعىندا تۇراتىن بارلىق 6 جاستاعى جانە سول جىلى 6 عا تولاتىن بالالاردى دايىندىق دەڭگەيىنە قاراماستان، ءبىرىنشى سىنىپقا قابىلدايدى.
- مەكتەپكە قابىلداۋ ءۇشىن اتا-انادان نەمەسە زاڭدى وكىلىنەن ءوتىنىش، بالانىڭ دەنساۋلىق جاعدايى تۋرالى انىقتاماسى جانە دەنساۋلىق پاسپورتى، سونداي-اق، سيفرلىق فوتوسۋرەتى قاجەت. مەكتەپتەر ءبىرىنشى سىنىپقا باراتىن بالالاردى ەشقانداي ەمتيحانسىز قابىلدايدى. تەك مامانداندىرىلعان ءبىلىم بەرۋ ۇيىمدارىنا كونكۋرس نەگىزىندە قابىلدانادى. وندا ۇمىتكەرلەردەن قۇجاتتى قابىلداۋ 1-اقپانىنان باستاپ 15-ءساۋىر ارالىعىندا جۇرگىزىلۋدە. ءبىرىنشى سىنىپقا قابىلداۋ بارىنشا جەڭىلدەتىلدى. بارلىق پروتسەسس اشىق جۇرگىزىلەدى، ال مەكتەپتەر زاڭدا كورسەتىلگەن قۇجاتتاردان باسقا قوسىمشا انىقتامالار تالاپ ەتە المايدى. ءوتىنىشتى ۋاقىتىندا تاپسىرۋ قاجەت، سوڭعى كۇنگە قالدىرماڭىز، - دەپ اتاپ ءوتتى ۆەدومستۆو باسشىسىنىڭ ورىنباسارى.
ءبىرىنشى سىنىپقا قابىلداۋ ءۇشىن كەلەسى قۇجاتتار قاجەت:
* اتا-انادان نەمەسە زاڭدى وكىلىنەن ءوتىنىش؛
* «پروفيلاكتيكالىق ەكپەلەر كارتاسى» (065/ۋ)؛
* «بالا دەنساۋلىعىنىڭ پاسپورتى» تۋرالى (052-2/ۋ) مەديتسينالىق انىقتامالار؛
* بالانىڭ 3×4 س م ولشەمىندەگى سيفرلىق فوتوسۋرەتىن تاپسىرۋى قاجەت.
- قۇجاتتاردى www.egov.kz پورتالى ارقىلى ونلاين نەمەسە قاعاز نۇسقادا مەكتەپكە بارىپ تاپسىرۋعا بولادى. قاعاز تۇرىندە وتكىزگەن كەزدە قوسىمشا اتا-اناسىن نەمەسە زاڭدى وكىلى ەكەندىگىن راستايتىن جەكە كۋالىگى تالاپ ەتىلەدى. قۇجاتتار ءار اپتانىڭ دۇيسەنبى جانە جۇما كۇندەرى ارالىعىندا قابىلدانادى. ءبىلىم بەرۋ ۇيىمى اتا-انادان تىزبەدە كورسەتىلمەگەن قۇجاتتاردى تالاپ ەتۋگە قۇقىعى جوق، - دەيدى مارجانگۇل قايىربايەۆا.
بۇعان دەيىن 170 تەن اسا اسكەري قىزمەتشى اسكەري پارادقا قاتىسۋ ءۇشىن استاناعا كەلگەنىن جازعان ەدىك.
