بىتىمگەرلىك ميسسياعا باراتىن قازاقستاندىق اسكەريلەرگە اي سايىن ءۇش ايلىق كولەمىندەگى جالاقى تولەنەدى

استانا. KAZINFORM - قورعانىس مينيسترلىگى Kazinform ساۋالىنا جولداعان جاۋابىندا قازاقستاننىڭ تۇڭعىش دەربەس بىتىمگەرلىك كونتينگەنتى ساپىندا تاياۋ شىعىستىڭ گولان جوتاسىندا قىزمەت اتقاراتىن اسكەريلەرگە قانشا ايلىق تولەنەتىنىن ءمالىم ەتتى.

«بىتىمگەرشىلىك كونتينگەنتتىڭ اسكەري قىزمەتشىلەرى قازاقستان رەسپۋبليكاسىنىڭ قورعانىس مينيسترلىگى تاراپىنان قىزمەت وتكەرگەن ءار اي سايىن ءۇش ايلىق كولەمىندەگى جالاقىمەن قامتاماسىز ەتىلەدى»، - دەلىنگەن جاۋاپتا.

دەمەك، كونتينگەنت ساپىنداعى ءار اسكەري گولان جوتاسىندا بولعان كەزەڭدە قازاقستان اۋماعىندا الىپ جۇرگەن ايلىعىنان ءۇش ەسە كوپ الادى دەگەن ءسوز.

«سونداي-اق، ب ۇ ۇ-نىڭ تاراپىنان ءار اي سايىن ءار بىتىمگەرگە 1448 ا ق ش دوللارى تولەنەتىن بولادى»، - دەپ جازىلعان جاۋاپتا.

ەسكە سالايىق، 19-قاڭتار كۇنى پارلامەنت قازاقستاندىق اسكەريلەردىڭ ب ۇ ۇ ميسسيالارىنا قاتىسۋ تۋرالى جولداۋىن ماقۇلدادى.

اتالعان ۇسىنىس بويىنشا، قازاقستاننىڭ تۇڭعىش دەربەس بىتىمگەرلىك كونتينگەنتى مىنا نىساندارعا:

• ءبىرىنشى - گولان جوتاسىندا ءبولىنۋ پروتسەستەرىن باقىلاۋ كۇشتەرىنە؛
• ەكىنشى - بىتىمگە كەلۋ شارتتارىنىڭ ورىندالۋىن بايقاۋ ورگانىنا؛
• ءۇشىنشى - وڭتۇستىك سۋدان رەسپۋبليكاسىنداعى ميسسياعا؛
• ءتورتىنشى - اۋەدەگى قاۋىپسىزدىكتى قامتاماسىز ەتۋ ۋاقىتشا كۇشتەرىنە قاتىسۋ ءۇشىن جالپى سانى 430 ادامنان اسپايتىن كونتينگەنتتى جىبەرۋ كوزدەلىپ وتىر.

اۆتور
ەسىمجان ناقتىباي