بيتكوين باعاسى تاريحي رەكورد جاڭارتىپ، $120 مىڭنان استى

استانا. قازاقپارات - Binance پلاتفورماسىنداعى مالىمەتكە سايكەس، بيتكوين باعاسى جاڭا تاريحي ماكسيمۋمدى جاڭارتىپ، $120000 شەگىنەن استى، دەپ حابارلايدى تاسس.

ماسكەۋ ۋاقىتىمەن 06:41- دە كريپتوۆاليۋتا $120 مىڭعا جەتىپ (%1,87+)، ال 06:45-تە ءوسىمىن جالعاستىرىپ، $121014,73 دەڭگەيىنە دەيىن كوتەرىلدى (%2,82+).

9-شىلدەدە بيتكوين باعاسى $100- $110 مىڭ ارالىعىندا ءبىر جارىم اي بويى تۇراقتاعاننان كەيىن، $111999 دەڭگەيىنە جەتىپ، الدىڭعى رەكوردتى جاڭارتقان ەدى. بۇعان دەيىنگى تاريحي ماكسيمۋم 2025 -جىلدىڭ 22-مامىرىندا، بيتكوين $111980 بولعان كەزدە تىركەلگەن.

بيتكوين - بلوكچەين تەحنولوگياسىنا نەگىزدەلگەن ورتالىقتاندىرىلماعان كريپتوۆاليۋتا جۇيەسى. بۇل جۇيەدە ءاربىر قاتىسۋشى جاڭا بلوكتار جاساۋ ارقىلى بيتكوين وندىرە الادى. جۇيەنى العاش رەت 2008 -جىلدىڭ قاراشاسىندا ساتوسي ناكاموتو دەگەن لاقاپ اتپەن بەلگىلى اۆتور (نە اۆتورلار توبى) ۇسىنعان.

بۇگىندە بيتكوين تانىمالدىعى ارتقانىمەن، ونىڭ ەميسسياسى تابيعي تۇردە شەكتەۋلى، جانە قازىرگى تاڭدا بيتكوينداردىڭ باسىم بولىگى ءوندىرىلىپ قويعان.

بۇعان دەيىن 11-شىلدەدە بيتكوين باعاسى ءوزىنىڭ تاريحي ماكسيمۋمىن جاڭارتىپ، $113 مىڭنان اسقانىن جازعانبىز.