بيتكوين باعاسى 44 مىڭ دوللارعا دەيىن كوتەرىلدى
سەيسەنبى كۇنى الەمدەگى ەڭ ءىرى كريپتوۆاليۋتا Bitcoin باعاسى 44083 دوللارعا كوتەرىلىپ، سوڭعى ءبىر جارىم جىلداعى ەڭ جوعارى دەڭگەيگە جەتتى. Kazinform اگەنتتىگى بۇل تۋرالى Reuters-كە سىلتەمە جاساپ حابارلايدى.
FTX قۇلدىراپ، كريپتو بيزنەسىندەگى باسقا ساتسىزدىكتەردەن كەيىن وتكەن جىلدىڭ قازان ايىندا Bitcoin باعاسى قارقىندى كوتەرىلە باستادى. بۇعان ا ق ش- تا پايىزدىق مولشەرلەمەلەردىڭ تومەندەيتىنى تۋرالى بولجام جانە ETF سپوت بيرجالىق قوردى ماقۇلداۋ تۋرالى جاڭالىقتار نەگىز بولعان.
بيتكوين باعاسىنىڭ وسۋىنە وراي باسقا كريپتوۆاليۋتامەن بايلانىستى كومپانيالاردىڭ، سونداي- اق بيرجالىق ساۋدا قورلارىنىڭ (ETF) اكسيالارى ءوستى.
«بيتكويننىڭ «كەرەمەت ءوسىمىن» فاكتورلار جيىنتىعىمەن تۇسىندىرۋگە بولادى»، - دەپ حابارلادى Deribit كوممەرتسيالىق ديرەكتورى ليۋك سترايەرس.
ول ا ق ش- تىڭ باعالى قاعازدار جانە بيرجالار جونىندەگى كوميسسياسى (SEC) جاقىن ارادا ميلليونداعان ينۆەستورلار ءۇشىن Bitcoin نارىعىن اشاتىن سپوت بيرجالىق قورىن ETF ماقۇلداۋى مۇمكىن دەگەن وپتيميستىك بولجام ايتتى. ول سونداي- اق ورتالىق بانكتەردىڭ تاۋەكەلدى اكتيۆتەردى تارتىمدى ەتە وتىرىپ، مولشەرلەمەلەردى تومەندەتۋگە كىرىسۋىنە اكەلەتىن ينفلياتسيانىڭ تومەندەۋىن اتاپ ءوتتى.
تاۋەكەل ينۆەستيتسيالارى جانە التىن سياقتى پايىزدىق مولشەرلەمەگە سەزىمتال باسقا اكتيۆتەر دە سوڭعى اپتالاردا ءوستى. بۇعان نارىقتاردىڭ ا ق ش فەدەرالدى قور جۇيەسى مولشەرلەمەسىنىڭ كوتەرىلۋىن اياقتاپ، 2024 -جىلدىڭ باسىندا قىسقارتا باستايدى دەگەن بولجام نەگىز بولدى.
«ينۆەستورلار SEC ءوتىنىش بەرۋ مەرزىمدەرى مەن SEC تۇسىنىكتەمەلەرىنە نەگىزدەلگەن Spot bitcoin ETF cپوت بيرجالىق قورلارىن قاڭتار ايىندا بەكىتە الاتىنىنا سەنىمدى»، - دەپ جازدى زەرتتەۋشى ماتتەو گرەكو.
ينۆەستورلار سونداي- اق الەمدەگى ەڭ ءىرى كريپتوۆاليۋتا بيرجاسى جانە كريپتوۆاليۋتا نارىعىنداعى نەگىزگى ويىنشى Binance-كە قاتىستى ا ق ش- تىڭ كوپجىلدىق قىلمىستىق تەرگەۋدىڭ اياقتالۋىن قۇپتادى.
