بىتكەن جەرىڭ وسى بولماق!: جانىبەك ءالىمحان ۇلى وزىنە قارسىلاس ىزدەپ جاتىر

استانا. قازاقپارت - ورتا سالماقتا WBO جانە IBF تۇجىرىمدارى بويىنشا الەم چەمپيونى جانىبەك ءالىمحان ۇلى (16-0، 10 ك و) ءوز سالماعىنداعى باسقا قارسىلاستارعا ۇندەۋ جاسادى، دەپ حابارلايدى Ulyssport.kz.

جانىبەك ءالىمحان ۇلى جاڭازەلانديالىق اندرەي ميحايلوۆيچپەن بولعان سوڭعى جەكپە-جەكتە تۇسكەن سۋرەتىن ءبولىسىپ، ءوزىنىڭ كەز كەلگەن قارسىلاسىن سۇلاتىپ سالۋعا دايىن ەكەنىن ايتقان.

مەن ساعان ورتا سالماقتىڭ كورولىمىن دەپ ايتتىم عوي! ەگەر سەن كورول اتاعىنا ۇمىتكەر بولساڭ، وندا سەنىڭ بىتكەن جەرىڭ وسى بولماق! تاعى كىم ۇمىتكەر بولعىسى كەلەدى؟ - دەپ جازدى ول الەۋمەتتىك جەلىدە.

ايتا كەتەيىك، 4-قازاندا جانىبەك ءالىمحان ۇلى اۋستراليانىڭ سيدنەي قالاسىندا وتكەن جەكپە-جەكتە اندرەي ميحايلوۆيچتى 9-راۋندتا سۇلاتىپ سالعان بولاتىن.

وسىلايشا، جانىبەك ءالىمحان ۇلى كاسىبي مانسابىنداعى ون التىنشى جەكپە-جەگىن جەڭىسپەن اياقتاپ، IBF جانە WBO تيتۋلدارىن ءساتتى قورعادى، ال اندرەي ميحايلوۆيچ ءوز مانسابىندا العاشقى جەڭىلىسىنە ۇشىرادى.