بۇيرەگىن 18 مىڭ ا ق ش دوللارىنا ساتپاقشى بولعان
استانا. KAZINFORM - پوليتسيا ادام اعزاسىن ساتۋدىڭ جولىن كەستى. قازاقستاندىق ءوزىنىڭ بۇيرەگىن 18 مىڭ ا ق ش دوللارىنا باعالاپ، كەزدەيسوق ساتىپ الۋشىعا ينتەرنەت ارقىلى ساتۋعا تىرىسقان. بۇل تۋرالى Polisia.kz. سايتى جازدى.
بۇيرەگىن ساتپاقشى بولعان ازاماتتىڭ ۇسىنىسىن قابىلداعان تاراپ ساتىپ الۋ وپەراتسياسى تۋرالى بارلىق كەلىسىمدەردى ۇيىمداستىرۋى كەرەك ەدى. الايدا، تانىمال الەۋمەتتىك جەلىدەگى ەرەكشە حابارلاندىرۋ اقمولا وبلىسىنىڭ پ د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرىنىڭ نازار اۋدارتپاي قويمادى. كوڭىلىنە كۇدىك ۇيالاعان پوليتسيا قىزمەتكەرلەرى دونورمەن بايلانىسقا شىقتى. بىرنەشە اپتا بويى ولار ارنايى جەدەل- ىزدەستىرۋ ءىس- شارالارىن جۇرگىزدى، ناتيجەسىندە ترانسپلانتاتسيا جاساۋ جانە اقشا قاراجاتىن بەرۋ تۋرالى مامىلە جاسالدى.
كوكشەتاۋ قالاسىندا ۇ ق ق ك ب قىزمەتكەرلەرى، اقشا بەرۋ كەزىندە كۇدىكتىنى قولعا ءتۇسىردى. العاشقى تەرگەۋ ارەكەتتەرى اياسىندا پوليتسەيلەر ەر ادامنىڭ اقتوبە قالاسىنىڭ تۋماسى، ءبىراق ەلوردادا تۇراتىنىن انىقتادى. قاتىسۋشىنىڭ ءوزى مۇنداي شاراسىز قادام ءۇشىن ول ويىنعا تاۋەلدىلىكتەن جيناقتالعان كوپتەگەن قارىزدارعا بايلانىستى شەشىم قابىلداعانىن تۇسىندىرەدى. بۇل فاكتى بويىنشا تەرگەۋ جۇرگىزىلىپ جاتىر.
