بىرىككەن اراب امىرلىكتەرىندە تانىمال فۋتبولشى قاماۋعا الىندى

  استانا. KAZINFORM - دۋبايدا نيدەرلاند بيلىگىنىڭ ءوتىنىشى بويىنشا ماسكەۋلىك «سپارتاك» فۋتبول كلۋبىنىڭ فۋتبولشىسى كۆينسي پرومەس قاماۋعا الىندى. بۇل تۋرالى BBC جازدى.

نيدەرلاند بيلىگى فۋتبولشىنى ەكستراديتسيالاۋدى تالاپ ەتىپ وتىر. ويتكەنى سپورتشى ءوز ەلىندە 1,3 مىڭ كەلى كوكاين كونترابانداسى ءۇشىن ءىستى بولعان.

قازىرگى ۋاقىتتا 32 جاستاعى پرومەستى قاماۋعا الۋ تۋرالى حالىقارالىق وردەر شىعارىلدى. ول 6 جىلعا باس بوستاندىعىنان ايىرىلۋى مۇمكىن.

رەسەيلىك جۋرناليستەردىڭ حابارلاۋىنشا، فۋتبولشى دۋبايداعى وقۋ-جاتتىعۋ كەزىندە دە تىنىش جۇرمەگەن. جول اپاتىنا ۇشىراپ، وقيعا ورنىنان قاشىپ كەتكەن.

«اقپان ايىنىڭ سوڭىندا پرومەس جاتتىعۋدان كەيىن «سپارتاك» فۋتبولشىلارىمەن بىرگە دۋبايدان رەسەيگە ۇشاتىن كەزدە شەكارادا ۇستالدى»، - دەپ جازادى NL Times.

اۆتور

جاراسقان نۇرىبايەۆ