بەيرۋتتە «حەزبوللا» شتابىنىڭ باسشىسىن ءولتىردى

استانا. KAZINFORM - بەيرۋتتە يراننان لوگيستيكا مەن قارۋ-جاراق جەتكىزۋگە جاۋاپتى بولعان سۋحايل حۋسسەين حۋسسەيني ءولتىرىلدى، دەپ حابارلايدى تاسس اقپارات اگەنتتىگى.

يزرايل قورعانىس كۇشتەرى بەيرۋتتەگى شيتتىك «حەزبوللا» قوزعالىسىنىڭ شتاب-پاتەرى كومانديرلەرىنىڭ ءبىرىن جويعانىن حابارلادى.

ارميانىڭ باسپا ءسوز قىزمەتىنىڭ حابارلاۋىنشا، يزرايل اۋە كۇشتەرىنىڭ ءدال سوققىسى ناتيجەسىندە «حەزبوللا» شتابىنىڭ قولباسشىسى سۋحايل حۋسسەين حۋسسەيني قازا تاپقان.

حابارلامادا ايتىلعانداي، ول يراننان لوگيستيكا مەن قارۋ-جاراقتىڭ جەتكىزىلۋىنە، سونداي-اق «حەزبوللا» بولىمشەلەرىنە قارۋ-جاراق تاراتۋعا جاۋاپتى بولعان.

5-قازاندا «حەزبوللا» باس حاتشىسىنىڭ مۇراگەرى يزرايلدىڭ سوققىسىنان قازا تاپتى. ليۆاننىڭ راديكالدى شيتتەر قوزعالىسى «حەزبوللا» ءوزىنىڭ جەتەكشىسى حاسان ناسراللانىڭ يزرايلدىڭ بەيرۋتقا جاساعان سوققىسىنان قايتىس بولعانىن راستادى.

1-قازان كۇنى يزرايل ارمياسى ليۆاننىڭ وڭتۇستىگىندە قۇرلىق وپەراتسياسى باستالعانىن جاريالاپ، ونىڭ ماقساتى «حەزبوللا» ينفراقۇرىلىمىن جويۋ دەپ اتادى.

بۇعان دەيىن يراننىڭ رۋحاني كوسەمى اياتوللا ءالي حامەنەي ءوز ۇيىندە ۇلتتىق قاۋىپسىزدىك جوعارى كەڭەسىنىڭ شۇعىل وتىرىسىن شاقىرعانى تۋرالى جازعان بولاتىنبىز.

7-قازاندا پالەستينالىق حاماس قارۋلى توبىنىڭ كيبۋتستار مەن يزرايلدەگى فەستيۆال قاتىسۋشىلارىنا جاساعان شابۋىلىنان تۋىنداعان گازا سەكتورىنداعى اسكەري قاقتىعىستىڭ باستالعانىنا ءبىر جىل بولدى.

اۆتور
زارينا تۋعانبايەۆا