بىرنەشە وڭىردە 140 جالعان نەسيە راسىمدەلگەنى انىقتالدى

استانا. KAZINFORM - ق م ا الماتى قالاسى بويىنشا دەپارتامەنتى «Comfort Time» جشس جانە باسقا دا باقىلاۋداعى كاسىپورىنداردىڭ باسشىلىعىنا قاتىستى الداۋ ارقىلى مۇلىكتىك زالال كەلتىرۋ فاكتىسى بويىنشا تەرگەۋ جۇرگىزىپ جاتىر.

قىلمىستىق سحەمانىڭ ۇيىمداستىرۋشىلارى ءبىرقاتار زاڭدى تۇلعالاردى تىركەپ، سولار ارقىلى نەسيە الۋدى كوزدەگەن، الايدا ءىس جۇزىندە ەڭبەك قاتىناستارىندا بولماعان ازاماتتاردىڭ اتىنا جالعان زەينەتاقى اۋدارىمدارىن راسىمدەگەن.

سالدارىنان قارىز الۋشىلاردىڭ تابىستارى مەن تولەم قابىلەتتىلىگى تۋرالى جالعان دەرەكتەر قالىپتاستىرىلىپ، بانكتەر سونىڭ نەگىزىندە نەسيە راسىمدەگەن.

اتالعان زاڭسىز قىزمەت ءۇشىن ۇيىمداستىرۋشىلار قارىز الۋشىلاردان بەرىلگەن سومانىڭ %10 ىنا دەيىن «سىياقى» الىپ وتىرعان.

كوپ جاعدايدا نەسيە الۋشىلار باسىنان بانكتەر الدىنداعى مىندەتتەمەلەرىن ورىنداۋدان جالتارعان.

اتالعان قىلمىستىق سحەما اياسىندا 399 ميلليون تەڭگە سوماسىنا قايتارىلماي قالعان 140 نەسيە الىنعان. كوبىنە قارىز الۋشىلار قاتارىندا جۇمىسسىز ازاماتتار نەمەسە تەرىس نەسيە تاريحى بار تۇلعالار بولعان.

مۇنداي فاكتىلەر استانا، الماتى، شىمكەنت قالالارى، جەتىسۋ، اباي، ماڭعىستاۋ، جامبىل جانە اقتوبە وبلىستارىناد انىقتالدى.

ايتا كەتۋ كەرەك، اتالمىش سحەمالار حالىقتىڭ قارىزعا باتۋ ماسەلەسىن ودان سايىن كۇردەلەندىرەدى، سەبەبى قارىز الۋشىلار بىردەن بىرنەشە بانكتەن ماقۇلداۋىن الىپ، سالدارىنان ولاردىڭ قارىز جۇكتەمەسى ەسەلەپ وسەدى.

تەرگەۋ جالعاسىپ جاتىر.

ق ر ق پ ك-ءنىڭ 201-بابىنا سايكەس وزگە اقپارات جاريا ەتۋگە جاتپايدى.