بىرنەشە فيلمدى اعىلشىنشا سويلەتكەن امەريكالىقتار قازاقتارعا ەرەكشە سىي جاسادى
قازاق كينوسىنداعى جارىق جۇلدىزدىڭ ءبىرى تايلاق اعىلشىنعا سويلەي باستادى، دەپ حابارلايدى Kazinform.
«قازاقستاننىڭ تاۋەلسىزدىك كۇنى قارساڭىندا ا ق ش ەلشىلىگىنىڭ قىزمەتكەرلەرى كلاسسيكالىق قازاق كوركەم فيلمدەرىمەن تانىسىپ، ولاردى اعىلشىن تىلىنە اۋدارىپ كورگىسى كەلدى. سۇيىكتى فيلمدەرىڭىزدىڭ اعىلشىن تىلىندەگى تولىق نۇسقاسىن كورگىڭىز كەلە مە؟»، - دەدى ەلشىلىكتەن.
امەريكالىقتار «تاقيالى پەرىشتە»، «قىز جىبەك»، «ماحاببات بەكەتى» فيلمدەرىن اعىلشىنشا سويلەتكەن.
اعىلشىنشا اۋدارمادا تايلاقتى – Lucas، ءبيشى قىزدى – Lola، سىرلىباي ءبيدىڭ ءسوزىن - Colin
ەرمەك سەركەبايەۆتى – Johnibek، ورالدى Chris دىبىستاعان.
ەسكە سالايىق، رەجيسسەر شاكەن ايمانوۆتىڭ «تاقيالى پەرىشتە» فيلمى 1968 -جىلى جارىققا شىقتى.
كينودا ەڭسەگەي بويلى، الپامسا دەنەلى، دارحان مىنەزدى، كەڭ پەيىلدى تايلاق سۇيىكتى تاقياسىن باسىنان تاستاماي جۇرەدى. اناسى (تانا - ءامينا ءومىرزاقوۆا) بالاسىن بالاسىن ەركەلەتىپ، «تاقيالى پەرىشتەم» دەپ اتايدى.
سيۋجەت بارىسىندا اناسى بالاسىن ۇيلەندىرۋ ءۇشىن قىز ىزدەپ الماتىعا كەلەدى. تايلاق كورىكتى ايشامەن تانىسادى. اناسى ۇلىنىڭ تاڭداۋىن بىردەن قابىل المايدى. سەبەبى ايشانىڭ اكەسى - كەزىندە تانامەن ءسوز بايلاسىپ، كەيىن سوزىنەن تايعان تايىر. تايلاققا سىرا ساتۋشى التىنشاش تا تۇرمىسقا شىققىسى كەلەدى. ساتۋشىدان قاشقاقتاعان تايلاق ايشاعا ۇيلەنۋ تۋرالى ۇسىنىس جاسايدى. نياز بولسا، تاناعا ءسوز سالادى. وسىنداي كوڭىلدى وقيعا قوس تويمەن اياقتالادى.
فيلم تۋرالى بىرنەشە دەرەك:
كينو 7 ايدا ءتۇسىرىلىپ ءبىتتى. ءتۇسىرىلىم نەگىزىنەن پاۆيلونداردا جۇرگەن. ەپيزودتاعى ءسان-سالتاناتى كەلىسكەن ءۇي - ۋاقىتشا تۇرعىزىلعان ورىن.
بيلەگەن ستۋدەنتتى سومداعان قازىرگى ق ر حالىق ءارتىسى - مارات احماديەۆ. ءبي سول جەردەگى ءتۇسىرىلىم الاڭىندا ويلاستىرىلعان.
شاكەن ايمانوۆ «تاقيالى پەرىشتەسىن» ۇزاق ۋاقىت ىزدەمەگەن. 1965 -جىلى الماتىدا كۇرەستەن قاجىمۇقان اتىنداعى تۋرنير وتەدى. سول جارىسقا ارنايى كەلگەن ءبىر بالۋاندى بايقاپ قالىپ، كەزەكتى ءبىر تۋىندىسىنا باستى رولىنە شاقىرعان.
فيلم مۋزىكاعا باي. حالىق ءانى، كلاسسيكا، دجاز، قىسقاسى، بارلىق جانر قامتىلعان. تاقيالى پەرىشتەنى قازاقشا ميۋزيكل دەپ اتايدى. اندەردىڭ كوبى كينوعا ارنالىپ، ارنايى جازىلعان.
بيبىگۇل تولەگەنوۆا تۇسكەن ەپيزودتا «انا» ءانىن ءوزى ورىنداماعان.
Посмотреть эту публикацию в Instagram
اۆتور
داۋلەت ىزتىلەۋ
