بىرلەسكەن وپەراتسيا: ت م د ەلدەرىندە 286 قىلمىسكەر ۇستالدى

استانا. قازاقپارات - 15-16-قازان ارالىعىندا ت م د ەلدەرىنىڭ اۋماعىندا قىلمىسكەرلەردى انىقتاۋ جانە ۇستاۋ ماقساتىندا «ىزدەستىرۋ» جەدەل- پروفيلاكتيكالىق ءىس-شاراسى وتكىزىلدى. بۇل تۋرالى ءى ءى م باسپا ءسوز قىزمەتى حابارلادى.

- قازاقستانعا بىرلەسكەن ىزدەستىرۋ شارالارىن جۇرگىزۋ ءۇشىن رەسەي فەدەراتسياسى ىشكى ىستەر مينيسترلىگىنىڭ ىزدەستىرۋ توبى كەلدى. ءوز كەزەگىندە شىعىس قازاقستان، قاراعاندى، پاۆلودار جانە سولتۇستىك قازاقستان وبلىستارى پوليتسيا دەپارتامەنتتەرىنىڭ جەدەل توپتارى رەسەيگە بارىپ، ۇقساس ءىس-شارالار وتكىزدى. جالپى ەكى كۇن ىشىندە 286 قىلمىسكەر ۇستالدى. سونىمەن بىرگە 55 حابار-وشارسىز كەتكەن ادام، ونىڭ ىشىندە سەگىز كامەلەتكە تولماعان بالا تابىلدى، - دەدى ءى ءى م كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ.