بۇگىنگى ۆاليۋتا باعامى قانداي

الماتى. KAZINFORM - استانا مەن الماتى قالالارىنداعى اقشا ايىرباستاۋ پۋنكتتەرىندە دوللار 508 - 514 تەڭگەدەن ساۋدالانىپ جاتىر.

ۇلتتىق بانكتىڭ 9-ماۋسىمعا ۇسىنعان رەسمي باعامى - ءبىر دوللارعا 510,19 تەڭگە. قىتاي يۋانى 71.08 تەڭگە، رەسەي رۋبلىنىڭ ورتاشا سارالانعان قۇنى - 6,46 تەڭگە. ەۋرو - 582,79.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 512 تەڭگەدەن ساتىلىپ جاتىر، ساتىپ الۋ باعامى -510,6 تەڭگە. ەۋرو ساتىپ الۋ باعامى - 581 ساتۋ قۇنى - 585.

ال، استانا قالاسى بويىنشا دوللاردى ساتۋ باعامى - 514 تەڭگە، ساتىپ الۋ قۇنى - 508 تەڭگە. ەۋرو 577 تەڭگەدەن ساتىپ الىنىپ، 584 تەڭگەدەن ساتىلىپ جاتىر.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 6,32 - 6,47 ارالىعىندا ساۋدالانىپ جاتىر.

ايتا كەتەيىك، 5-ماۋسىم كۇندىزگى ساۋدا قورىتىندىسى بويىنشا، دوللاردىڭ ورتاشا باعامى 1,11 تەڭگەگە تومەندەپ، 510,19 تەڭگە بولعان.

بۇعان دەيىن تيمۋر سۇلەيمەنوۆ بازالىق مولشەرلەمە كەز كەلگەن ۋاقىتتا وزگەرۋى مۇمكىن ەكەنىن ايتقان بولاتىن.

قازاقستاندىق ەكونوميستەر تەڭگەنىڭ نىعايۋىنا مۇمكىندىك بار ەكەنىن ايتتى.