بۇگىننەن باستاپ قازاقستاندىقتار شەتەلدەن جۇك كولىكتەرى مەن اۆتوبۋستاردى كىرگىزە المايدى

استانا. KAZINFORM - بۇگىن ەۋرازيالىق ەكونوميكالىق كەڭەستىڭ ەۋرازيالىق ەكونوميكالىق وداق اۋماعىنا سىرتتان كولىك اكەلۋ ءتارتىبىن وزگەرتۋگە ارنالعان شەشىمى كۇشىنە ەندى.

قازاقستان ە ا ە و-عا مۇشە بولعاندىقتان اتالعان شەشىم قازاقستانعا كولىك اكەلۋ ءتارتىبىن دە وزگەرتەدى دەگەن ءسوز. ول قۇجات بويىنشا قازاقستاندىقتار جەكە قاجەتتىلىگى ءۇشىن مىنا كولىك تۇرلەرىن عانا اكەلە الادى:

- جەڭىل كولىك (مەديتسينالىق ماقساتقا ارنالعان كولىكتەن باسقا) جانە ەاەو سىرتقى ەكونوميكالىق قىزمەتى تاۋار نومەنكلاتۋراسىنىڭ 8703-تاۋار پوزيتسياسىنا جاتاتىن باسقا موتورلى كولىكتەر.

- تاۋار نومەنكلاتۋراسىنىڭ 8703-تاۋار پوزيتسياسىنا جاتاتىن كۆادروتسيكل، قاردا جۇرەتىن كولىك، باتپاقتا جۇرەتىن كولىكتەر، جول تالعامايتىن موتوكولىك جانە جالپى جولعا ارنالماعان باسقا دا موتورلى كولىك قۇرالدارى (جالپى جولعا ارنالماعان جارىس كولىكتەرىنەن باسقا).

- تاۋار نومەنكلاتۋراسىنىڭ 8711-تاۋار پوزيتسياسىنا جاتاتىن موتوسيكل، موپەد، موتوروللەر.

- تاۋار نومەنكلاتۋراسىنىڭ 8702-تاۋار پوزيتسياسىنا جاتاتىن 12-دەن ارتىق (جۇرگىزۋشىنى قوسقاندا) ادام تاسىمالداۋعا ارنالماعان موتورلى كولىك، تاۋار نومەنكلاتۋراسىنىڭ 870421، 870431، 870441 جانە 870451 سۋبپوزيتسيالارىنا جاتاتىن جۇك تاسىمالداۋعا (جوعارى راديواكتيۆتى ماتەريالداردى تاسيتىن كولىكتەردەن باسقا) ارنالعان تولىق سالماعى 5 توننادان اسپايتىن موتورلى كولىك.

باسقاشا ايتساق، 20-قازاننان باستاپ اۆتوبۋستار مەن جۇك كولىكتەرىن ە ا ە و اۋماعىنا زاڭدى تۇلعالار عانا يمپورتتاي الادى.

جولاۋشى سىيىمدىلىعى 12 ادامنان اساتىن اۆتوبۋستار مەن جۇك تاسىمالداۋ سالماعى 5 توننادان ارتىق كولىكتەر ەەك بەكىتكەن تىزىمگە كىرمەي قالعاندىقتان، ولارعا بەرىلمەيدى. دەمەك، ولاردى كەدەندە راسىمدەپ، ەلەكتروندىق پاسپورت الۋعا، ۋتيل الىم تولەۋگە جانە تىركەۋگە رۇقسات جوق.

ەسكە سالساق، پرەزيدەنت قاسىم-جومارت توقايەۆ بيىلعى جولداۋىندا قازاقستان كاسىپكەرلەرى ە ا ە و اياسىندا ءتيىمسىز جاعدايلارعا تاپ بولىپ، وداق ەلدەردەگى باسەكەلەستەرىنە ەسە جىبەرىپ جاتقانىن ءمالىم ەتكەن بولاتىن. 

اۆتور

ەسىمجان ناقتىباي