بۇگىن ەركىن كۇرەستەن ازيا چەمپيوناتىندا قازاقستاندىق بەس بالۋان سايىسقا تۇسەدى

استانا. KAZINFORM - يوردانيا استاناسى اممان قالاسىندا ءوتىپ جاتقان ازيا چەمپيوناتىندا ەركىن كۇرەستەن بۇگىن، 30-ناۋرىزدا قازاقستاندىق بەس بالۋان سايىسقا تۇسەدى.

Бүгін еркін күрестен Азия чемпионатында қазақстандық бес балуан сайысқа түседі
فوتو: olympic.kz

جانكۇيەرلەر ەل قۇراماسىنان سوڭعى ءۇش جىلدا قاتارىنان ءۇش مارتە ازيا چەمپيوناتى اتاعىن جەڭىپ العان ازامات داۋلەتبەكوۆكە ۇلكەن ءۇمىت ارتادى. ول قۇرلىقتىق دودادا بەس مارتە جۇلدەگەر قاتارىنان كورىنگەن. ونىڭ ىشىندە 3 ەۋى التىن، 1 ەۋى كۇمىس، 1 ەۋى قولا. بيىل ازامات جارىستى شيرەك فينالدان باستايدى. قارسىلاسى - لين زۋشەن (قىتاي).

سونداي-اق جارىستىڭ اتالعان ساتىسىندا 61 كەلىدە مۇحامەد بالعاباي جامشيد شافاروۆ (تاجىكستان) جانە ۆانحاو زۋ (قىتاي)، 86 كەلىدە بولات ساقايەۆ - باتبيلگۋن ناادامبات (موڭعوليا) /ساليمجوني حاليمزودا (تاجىكستان) جۇبىنىڭ جەڭىمپازىمەن كەزدەسەدى.

ال 1/8-اينالىمدا نۇرسۇلتان سادىق (65 كەلى) وڭتۇستىك كورەيا بالۋانى جۋنسيك يۋن، نۇرقوجا قايپانوۆ (74 كەلى) باحرەيندىك ماگومەدراسۋل اسلۋيەۆپەن شەبەرلىك بايقاسادى.

ەل قۇراماسىنان ىرىكتەۋ كەزەڭىندە نۇرسۇلتان ازوۆ (125 كەلى) جاپونيالىق تايكي ياماموتومەن بوزكىلەمگە شىعادى.

ەسكە سالساق، ەركىن كۇرەستەن العاشقى جارىس كۇنىندە ريزابەك ايتمۇحان (97 كەلى) كۇمىس جۇلدەگەر اتانسا، راحات قالجان (57 كەلى) قولا مەدالعا قول سوزدى.

سوڭعى جاڭالىقتار