بۇگىن قازاقستاندا سارىشۇناق اياز 45 گرادۋسقا دەيىن كۇشەيەدى

استانا. KAZINFORM - قازگيدرومەت سينوپتيكتەرى 22- اقپان، بەيسەنبىگە ارنالعان اۋا رايى بولجامىن جاريالادى.

رەسپۋبليكانىڭ باسىم بولىگىندە جاۋىن-شاشىنسىز ايازدى اۋا رايى ساقتالادى.

تەك ەلدىڭ باتىسىندا، وڭتۇستىگىندە، وڭتۇستىك-شىعىسىندا اتموسفەرالىق فرونتتاردىڭ اسەرىنەن جاۋىن-شاشىن، كوبىنە قار جاۋادى.

كوكتايعاق، جاياۋ بۇرقاسىن سوعادى.

ەلدىڭ وڭتۇستىگىندە، وڭتۇستىك-شىعىسىندا - جەل كۇشەيەدى، وڭتۇستىك-باتىسىندا، وڭتۇستىك-شىعىسىندا - تۇمان تۇسەدى.

قاراعاندى وبلىسىنىڭ شىعىسىندا 40 گرادۋس، شىعىس قازاقستان وبلىسىنىڭ سولتۇستىگىندە، شىعىسىندا 45 گرادۋس، اباي وبلىسىندا 35-40 گرادۋس، جەتىسۋ وبلىسىنىڭ تاۋلى اۋداندارىندا 27 گرادۋس قاتتى اياز ساقتالادى.