بۇگىن قاي وڭىرلەردە وقۋشىلار ونلاين وقيدى

استانا. KAZINFORM - ءبىرقاتار وڭىردە اۋا رايىنىڭ قولايسىزدىعىنا بايلانىستى وقۋشىلار قاشىقتان وقۋ فورماتىنا كوشىرىلدى.

باتىس قازاقستان وبلىسى

ورال قالاسى بويىنشا 2026 -جىلدىڭ 27-قاڭتار كۇنى اۋا تەمپەراتۋراسى 29,5- گرادۋس اياز. 1- اۋىسىمداعى 1-11-سىنىپتاردا ساباق قاشىقتان وقىتۋ فورماتىنا اۋىستىرىلادى.

اقمولا وبلىسى

27-قاڭتاردا كوكشەتاۋدا اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 1-9-سىنىپ وقۋشىلارى قاشىقتان وقيدى.

سولتۇستىك قازاقستان وبلىسى

اۋا تەمپەراتۋراسىنىڭ 27- گرادۋسقا دەيىن تومەندەۋىنە بايلانىستى ءبىرىنشى اۋىسىمداعى 0-9-سىنىپ وقۋشىلارىنا ارنالعان ساباقتار قاشىقتىقتان وقىتۋ فورماتىنا اۋىستىرىلادى.

قوستاناي وبلىسى

اۋا تەمپەراتۋراسىنىڭ  31-32- گرادۋسقا دەيىن تومەندەۋىنە جانە جەل جىلدامدىعىنىڭ 6 م/س بولۋىنا بايلانىستى قوستاناي قالاسىنداعى مەكتەپتەردىڭ 1-اۋىسىمىندا وقيتىن م ا د س، 1-11-سىنىپ وقۋشىلارى 2026 -جىلعى 27-قاڭتاردا قاشىقتان وقىتۋ فورماتىنا اۋىستىرىلادى.

27-قاڭتاردا اۋا تەمپەراتۋراسى 31-32-، جەلدىڭ جىلدامدىعى 6 م/س بولۋىنا بايلانىستى قوستاناي قالاسى كوللەدجدەرىنىڭ 1-اۋىسىمىنداعى 1- 2-كۋرس ستۋدەنتتەرى قاشىقتىقتان وقىتۋ فورماتىنا اۋىستىرىلادى.

1-اۋىسىمداعى 3- 4-كۋرستاردى قاشىقتىقتان وقىتۋ فورماتىنا اۋىستىرۋ تۋرالى شەشىمدى كوللەدج ديرەكتورلارى وزدەرى قابىلدايدى. ايماقتار وزدەرىنىڭ اۋا رايى جاعدايىنا بايلانىستى شەشىم قابىلدايدى.

ايتا كەتەيىك، 27-قاڭتاردا ەلىمىزدىڭ باسىم بولىگىندە بۇرقاسىن بولىپ، تۇمان باسادى. سونداي-اق قار دا جاۋادى. ال كەيبىر وڭىردە جەلدىڭ ەكپىنى 15-20 م/س دەيىن جەتۋى مۇمكىن.