07:55, 20 - قازان 2023 | GMT +5
بۇگىن ەلىمىزدىڭ سولتۇستىك جانە باتىس وڭىرلەرىندە كوكتايعاق بولۋى مۇمكىن
قازگيدرومەت 20-قازاندا بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Kazinform.
سينوپتيكتەردىڭ مالىمەتىنشە، رەسپۋبليكانىڭ باتىس جارتىسىنىڭ اۋا رايىن وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىمدەر ايقىندايتىن بولادى.
«سوندىقتان جاڭبىر جاۋادى، ەلىمىزدىڭ وڭتۇستىك- باتىسىندا تۇندە قاتتى جاڭبىر جاۋادى. ەلدىڭ شىعىس جارتىسىندا ءالى دە اشىق، جاۋىن- شاشىنسىز اۋا رايى بولادى. وڭتۇستىك- شىعىستا، كۇندىز سولتۇستىكتە جەل كۇشەيەدى، قازاقستاننىڭ سولتۇستىگىندە، سولتۇستىك- باتىسىندا كوكتايعاق كۇتىلەدى. قازاقستان بويىنشا تۇنگى جانە تاڭەرتەڭگى ۋاقىتتاردا تۇمان تۇسەدى»، - دەلىنگەن ۆەدومستۆو دەرەگىندە.
