بۇگىن ەلىمىزدىڭ باسىم بولىگىندە نايزاعاي ويناپ، جاڭبىر جاۋادى - قازگيدرومەت

استانا. KAZINFORM - «قازگيدرومەت» ر م ك ەل اۋماعىندا 27-مامىردا بولاتىن قاۋىپتى مەتەورولوگيالىق قۇبىلىستارعا بولجام جاسادى.

دەرەككە قاراعاندا، رەسپۋبليكانىڭ باسىم بولىگىنە اتموسفەرالىق فرونتالدى بولىمدەر اسەر ەتەدى. سوندىقتان اۋا رايىنىڭ تۇراقسىز سيپاتى كۇتىلەدى، نايزاعاي ويناپ، جاڭبىر جاۋادى، ەلدىڭ شىعىسىندا، وڭتۇستىك- شىعىسىندا قاتتى جاڭبىر جاۋۋى بولجانادى.

ورتالىقتا، شىعىستا، وڭتۇستىك- شىعىستا بۇرشاق جاۋىپ، داۋىل تۇرادى.

تەك باتىستا، سولتۇستىك- باتىستا، ەلدىڭ وڭتۇستىگىندە جاۋىن- شاشىنسىز اۋا رايى كۇتىلەدى.

رەسپۋبليكا بويىنشا جەلدىڭ كۇشەيۋى مۇمكىن، ق ر-نىڭ وڭتۇستىگىندە، وڭتۇستىك- شىعىسىندا شاڭدى داۋىل تۇرىپ، تۇنگى جانە تاڭەرتەڭگى ساعاتتاردا تۇمان تۇسەدى.

- كۇندىز جەتىسۋ وبلىسىندا الاكول كولدەرى اۋدانىندا ەكپىنى 30 م/س جانە ودان دا كوپ قاتتى جەل تۇرادى.

تۇندە سولتۇستىك قازاقستان وبلىسىنىڭ سولتۇستىك- شىعىسىندا، اقتوبە وبلىسىنىڭ سولتۇستىگىندە، پاۆلودار، شىعىس قازاقستان وبلىستارىنىڭ سولتۇستىگىندە، شىعىسىندا، قاراعاندى وبلىسىنىڭ شىعىسىندا، اباي وبلىسىنىڭ باتىسىندا، سولتۇستىگىندە، اقمولا، قوستاناي وبلىستارىنىڭ شىعىسىندا توپىراق بەتىندە 1-2 گرادۋس ۇسىك جۇرەدى، - دەپ جازدى سينوپتيكتەر.

جەتىسۋ وبلىسىنىڭ شىعىسىندا، قىزىلوردا وبلىسىنىڭ سولتۇستىگىندە، ورتالىعىندا، ماڭعىستاۋ وبلىسىنىڭ باتىسىندا، اقتوبە وبلىسىنىڭ باتىسىندا، وڭتۇستىگىندە، پاۆلودار وبلىسىنىڭ شىعىسىندا، جامبىل وبلىسىنىىڭ سولتۇستىگىندە، وڭتۇستىگىندە، باتىس قازاقستان وبلىسىنىڭ وڭتۇستىك- شىعىسىندا، اتىراۋ وبلىسىنىڭ سولتۇستىگىندە، شىعىسىندا، تۇركىستان وبلىسىنىڭ وڭتۇستىگىندە، الماتى وبلىسىنىڭ ورتالىعىندا، اباي وبلىسىنىڭ وڭتۇستىك- شىعىسىندا، جوعارى ءورت قاۋپى بار.

قىزىلوردا وبلىسىندا، تۇركىستان وبلىسىنىڭ سولتۇستىگىندە، ءشولدى، تاۋ بوكتەرىندەگى اۋدانداردا، جامبىل وبلىسىنىڭ باتىسىندا، شىعىسىندا، قوستاناي وبلىسىنىڭ وڭتۇستىگىندە، اقتوبە وبلىسىنىڭ وڭتۇستىك- شىعىسىندا، اتىراۋ وبلىسىنىڭ وڭتۇستىگىندە، باتىسىندا، الماتى وبلىسىنىڭ باتىسىندا، سولتۇستىگىندە، پاۆلودار، شىعىس قازاقستان، جەتىسۋ وبلىسىتارىنىڭ وڭتۇستىك- شىعىسىندا، اباي، ۇلىتاۋ وبلىستارىنىڭ وڭتۇستىگىندە توتەنشە ءورت ءقاۋپى كۇتىلەدى.

ايتا كەتەيىك، بۇعان دەيىن ەلىمىزگە كەلگەن اراب تۋريستەرى جىلدىڭ ءتورت مەزگىلىن دە سەزىنۋگە بولاتىنىن ايتقانىن جازعانبىز.