10:06, 21 - قاراشا 2023 | GMT +6
بۇگىن ەلىمىز بويىنشا تۇمان ءتۇسىپ، جەل كۇشەيەدى - قازگيدرومەت
«قازگيدرومەت» ر م ك-سى قاراشانىڭ 21 ى كۇنگى كۇن رايى بولجامىن جاريالادى، دەپ حابارلايدى Kazinform.
كاسپورىننىڭ بولجامىنا قاراعاندا، قازاقستاننىڭ باسىم بولىگى سولتۇستىك-باتىس انتيسيكلونىنىڭ ىقپالىندا بولىپ، كۇن جاۋىن-شاشىنسىز بولادى.
تەك رەسپۋبليكانىڭ باتىسى مەن وڭتۇستىگىنە وڭتۇستىك كاسپي سيكلونى جانە ونىمەن بايلانىستى اتموسفەرالىق اعىنداردىڭ اسەرىنەن جاڭبىر، قار جاۋادى، وڭتۇستىكتە جاڭبىر جاۋادى.
قازاقستان بويىنشا تۇمان ءتۇسىپ، جەل كۇشەيەدى، باتىس جانە سولتۇستىك-باتىستا جەلدىڭ ەكپىنى 23-28 م/س-كە كۇشەيىپ، كوكتايعاق بولادى.
