بۇگىن ەلدەگى قاي جولدار جابىق تۇر

الماتى. KAZINFORM - «قازاۆتوجول» ۇلتتىق كومپانياسى ەلدەگى جولداردىڭ قازىرگى احۋالى تۋرالى حابارلادى.

2025 -جىلعى 31-جەلتوقسان ساعات 08:30-داعى جاعداي بويىنشا اۋا رايىنىڭ بۇزىلۋىنا بايلانىستى ءۇش وبلىستاعى ءۇش رەسپۋبليكالىق ماڭىزى بار اۆتوموبيل جولىندا كولىك قوزعالىسىنا شەكتەۋ قويىلدى.

باتىس قازاقستان وبلىسى

• «اقتوبە - ورال – ر ف شەكاراسى» اۆتوجولىنىڭ 273-393-شاقىرىم ارالىعى (بارباستاۋ اۋىلى - جىمپيتى اۋىلى).

جەتىسۋ وبلىسى

• «ءۇشارال - دوستىق» اۆتوجولىنىڭ 84-164-شاقىرىم ارالىعى (كوكتۇما اۋىلى - دوستىق ستانساسى).

ماڭعىستاۋ وبلىسى

• «دوسسور - قۇلسارى - بەينەۋ - سايوتەس - شەتپە - جەتىباي - اقتاۋ» اۆتوجولىنىڭ 332-632-شاقىرىم ارالىعى (بەينەۋ ەلدى مەكەنى - شەتپە ەلدى مەكەنى).

2025 -جىلعى 31-جەلتوقساندا اقمولا، قاراعاندى، سولتۇستىك قازاقستان اقتوبە، ۇلىتاۋ، قىزىلوردا، تۇركىستان، باتىس قازاقستان، الماتى، جەتىسۋ، جامبىل، اتىراۋ، قوستاناي، اباي جانە پاۆلودار وبلىستارىنىڭ كەي جەرلەرىندە قار ارالاس جاڭبىر مەن قار جاۋادى.

- سول سەبەپتى جۇرگىزۋشىلەرگە جىلدامدىق رەجيمى مەن قاۋىپسىز اراقاشىقتىقتى قاتاڭ ساقتاپ، جولدارداعى اۋا رايىنىڭ قولايسىزدىعىن ەسكەرۋلەرىڭىزدى سۇرايمىز، - دەلىنگەن حابارلامادا.

ەسكە سالايىق، بۇعان دەيىن «قازگيدرومەت» 31-جەلتوقساندا ەلدىڭ باسىم بولىگىندە اۋا رايىنا بايلانىستى ەسكەرتۋ جاساعان ەدى.