بۇگىن ۇكىمەت وتىرىسىندا قاي ماسەلە كوتەرىلمەك

استانا. KAZINFORM - بۇگىن ساعات 10:00-دە ۇكىمەتتىڭ كەزەكتى وتىرىسى باستالادى. وندا ەڭبەك نارىعىن دامىتۋ جانە سيفرلاندىرۋ تاقىرىبى قارالادى.

ۇلتتىق ستاتيستيكا بيۋروسىنىڭ مالىمەتىنشە، 2025 -جىلدىڭ I توقسانىندا رەسپۋبليكا ەكونوميكاسىنىڭ ءتۇرلى سالالارىندا 9283,5000  ادام جۇمىسپەن قامتىلدى، ونىڭ ىشىندە 7141 مىڭى (ەكونوميكادا جۇمىسپەن قامتىلعانداردىڭ جالپى سانىنىڭ %76,9 ى) جالدامالى قىزمەتكەر بولسا، ءوز بەتىنشە جۇمىسپەن قامتىلعاندار — 2142,5 مىڭ ادام (ەكونوميكادا جۇمىسپەن قامتىلعانداردىڭ جالپى سانىنىڭ %23,1 ى).

جۇمىسپەن قامتىلعانداردىڭ ەڭ كوپ ۇلەسى ساۋدا (%17)، ءبىلىم بەرۋ (%13,4)، ونەركاسىپ (%12,5) جانە اۋىل شارۋاشىلىعى (%10,3) سالالارىندا بايقالدى.

ەسكە سالساق، بىلتىر مەملەكەت باسشىسى قاسىم-جومارت توقايەۆتىڭ جارلىعىمەن 2025 -جىل جۇمىسشى ماماندىقتارىنىڭ جىلى دەپ جاريالاندى.

سونىمەن قاتار، جۇمىسشى ماماندىقتار جىلى اياسىندا كوللەدجدەرمەن ارىپتەستىك ورناتقان كاسىپورىندار سانى ارتتى.

ايتا كەتەيىك، ۇكىمەت وتىرىسىنىڭ قورىتىندىسى بويىنشا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اسقار بياحمەتوۆتىڭ قاتىسۋىمەن باسپا ءسوز ءماسليحاتى وتەدى.

باسپا ءسوز ءماسليحاتى ۇكىمەتتىڭ YouTube رەسمي ارناسى مەن Facebook الەۋمەتتىك جەلىسىندە تىكەلەي ەفيردە كورسەتىلەدى.

ەسكە سالساق، قازاقستاننىڭ ەڭبەك نارىعىنا جاساندى ينتەللەكت قالاي اسەر ەتەتىنىن جازعان ەدىك.