بۇگىن جەل كۇشەيىپ، اياز بولادى

استانا. KAZINFORM - «قازگيدرومەت» ر م ك 21 - قازانداعى اۋا رايى بولجامىن جاريالادى.

سينوپتيكتەردىڭ حابارلاۋىنشا، ەل اۋماعىنىڭ باسىم بولىگىندە اۋا رايىنا انتيسيكلون ىقپال ەتەدى. ءبىراز وڭىردە جاۋىن-شاشىنسىز اۋا رايى ساقتالادى.

سولتۇستىك-باتىس سيكلونى شىعىس باعىتىندا جىلجىپ، ەلدىڭ باتىسىندا عانا جاڭبىر جاۋادى. سونداي-اق رەسپۋبليكانىڭ سولتۇستىگى مەن شىعىسىندا جاۋىن-شاشىن بولادى.

ەلىمىزدىڭ وڭتۇستىگى مەن وڭتۇستىك-شىعىسىنداعى تاۋلى ايماقتارداعى فرونتالدى بولىمدەردىڭ اسەرىنەن تۇنگى ۋاقىتتا ازداعان جاڭبىر مەن قار جاۋادى. رەسپۋبليكا بويىنشا جەل كۇشەيەدى. سولتۇستىك پەن وڭتۇستىك-شىعىستاعى تاۋلى ايماقتاردا تۇمان تۇسەدى.

تۇندە تۇركىستان وبلىسىنىڭ سولتۇستىگىندە، الماتى جانە قىزىلوردا وبلىستارىنىڭ تاۋلى اۋداندارىندا 1-3 گرادۋس اياز بولادى.

- ماڭعىستاۋ وبلىسىندا، اتىراۋ وبلىسىنىڭ سولتۇستىك-شىعىسىندا، وڭتۇستىك-شىعىسىندا، اقتوبە وبلىسىنىڭ وڭتۇستىگىندە، شىعىسىندا، جامبىل وبلىسىنىڭ ورتالىعىندا، قىزىلوردا وبلىسىنىڭ سولتۇستىگىندە، ورتالىعىندا، الماتى وبلىسىنىڭ باتىسىندا، قوستاناي جانە اقمولا وبلىستارىنىڭ وڭتۇستىك- باتىسىندا، ۇلىتاۋ وبلىسىنىڭ شىعىسىندا، ورتالىعىندا، اباي وبلىسىنىڭ وڭتۇستىگىندە جوعارى ءورت قاۋپى ساقتالادى، - دەلىنگەن حابارلامادا.

ايتا كەتەيىك، بۇگىن استانا مەن تاعى 10 قالادا اۋا ساپاسى تومەندەيدى.