بۇگىن - حالىقارالىق قارتتار كۇنى

بۇگىن الەم قارتتار كۇنى مەرەكەسىن اتاپ ءوتىپ جاتىر، دەپ حابارلايدى قازاقپارات.

Фото: Мухтор Холдорбеков/ҚазАқпарат ХАА
Фото: Мухтор Холдорбеков/ҚазАқпарат ХАА

قارتتار كۇنى - حالىقارالىق مەرەكە. ول 1990 -جىلى 14 -جەلتوقساندا ب ۇ ۇ باس اسسامبلەياسىندا رەسمي بەكىتىلگەن.

بۇگىندە ەلىمىزدە زەينەت جاسىنداعى 2,3 ميلليوننان استام قارت بار. اتالعان مەيرامنىڭ ماقساتى - قارتتاردىڭ قوعام مەن مەملەكەت الدىنداعى ەڭبەگىن قۇرمەتتەۋ، تانۋ، ولاردىڭ پروبلەمالارى مەن قاجەتتىلىكتەرىنە، ءومىر ساپاسىن ارتتىرۋعا نازار اۋدارۋ جانە قامقور بولۋ.

قازاقتا قارتتارعا قاتىستى كوپتەگەن يگى سوزدەر بار، سولاردىڭ بىرەرى: قارتى بار ەلدىڭ قازىناسى بار، كوپ جاساعان قاريا، اقىلى - تەڭىز- داريا، اتا - ارداقتى تۇلعا، قارياسىن سىيلاعان ەلدە قاسيەت بار.

قازاقستاندا قارت جاندارعا مەملەكەت تاراپىنان ءبىرقاتار قولداۋ كورسەتىلەدى. ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، بيىل قارتتار كۇنىنە وراي استانا قالاسى، قاراعاندى، ماڭعىستاۋ، تۇركىستان، جەتىسۋ جانە ۇلىتاۋ وبلىستارىنداعى قارت جاندارعا 2-دەن 10 ا ە ك مولشەردە، (شامامەن 1,9 ملرد تەڭگە 234 مىڭ ادام) ءبىرجولعى ماتەريالدىق كومەك كورسەتىلدى.

ودان بولەك، قارتتار كۇنىنە وراي الماتى، ش ق و، جامبىل، تۇركىستان، اباي جانە ۇلىتاۋ وبلىستارىندا مەرەكەلىك ازىق- تۇلىك سەبەتتەرى تابىستالدى.

ودان بولەك، مەرەكە كۇنى قۇزىرلى ورگاندار جانە وبلىس، اۋدان اكىمدەرى وڭىردەگى قارت جانداردى قۇتتىقتاپ جاتادى. سونىمەن قاتار ءتۇرلى فورماتتا مەرەكەلىك ءىس- شارالار ۇيىمداستىرىلادى.

ايتا كەتسەك، ەلىمىزدە بەلسەندى ۇزاق ءومىر ءسۇرۋ، دەنساۋلىق مادەنيەتى جانە قوعاممەن بايلانىس باعىتتارى بويىنشا «ءبىر تەرەزە» قاعيداتى نەگىزىندە جۇمىس ىستەيتىن 79 بەلسەندى ۇزاق ءومىر ءسۇرۋ ورتالىعى جۇمىس ىستەپ تۇر. ول جەردە قاريالار بوس ۋاقىتىن وتكىزىپ، سۇيىكتى ىستەرىمەن اينالىسادى.

اۆتور

گۇلميرا الياكپاروۆا

سوڭعى جاڭالىقتار