بۇگىن فۋتبولدان 2024 -جىلعى قازاقستان سۋپەركۋبوگى وتەدى

استانا. KAZINFORM - بۇگىن، 25-اقپاندا فۋتبولدان 2024 -جىلعى قازاقستان سۋپەركۋبوگى وتەدى. اتالعان ويىندا «ورداباسى» (شىمكەنت) ۈەن «توبىل» (قوستاناي) كوماندالارى كەزدەسەدى.

ويىن العاش رەت ەلىمىزدەن تىس جەردە ۇيىمداستىرىلىپ وتىر. ول تۇركيانىڭ انتاليا قالاسىنداعى «تيتانيك ماردان» ستاديونىندا ەلوردا ۋاقىتىمەن ساعات 18:00 دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

سۋپەركۋبوك ويىندارى بيىل 19-مارتە ۇيىمداستىرىلىپ وتىر.

قازىرگە دەيىن فينالدا ون كوماندا باق سىناعان. ولاردىڭ اراسىندا «استانا» ون مارتە فينالدا ويناپ، بەس مارتە (2011، 2015، 2018، 2019، 2020، 2023) كۋبوكتى يەلەندى. ودان كەيىنگى كەزەكتە الماتىنىڭ «قايراتى» 5 مارتە فينالدا باق سىناپ، ەكەۋىندە (2016, 2017) جەڭىمپاز اتاندى.

ال «اقتوبە» 3 (2008، 2010، 2014)، جانە «توبىل» (2021، 2022) 2، «ەلىماي» (1995)، «ورداباسى» (2012)، «شاحتەر» (2013) كوماندالارى ءبىر- بىردەن جەڭىمپاز تۇعىرىنان كورىندى. سونداي- اق، «اتىراۋ»، «ۆوستوك» جانە «قايسار» كوماندالارى سۋپەركۋبوكقا شىققانىمەن بىردە- ءبىر مارتە وعان قول جەتكىزە العان جوق.

ەسكە سالساق، بۇدان بۇرىن فۋتبولدان ەل چەمپيوناتىنىڭ كۇنتىزبەسى بەلگىلى بولدى.