بۇگىن فاريزا وڭعارسىنوۆانىڭ تۋعانىنا 85 جىل تولدى

استانا. KAZINFORM - بۇگىن قازاق پوەزياسىنىڭ ماڭگىلىك شامشىراعى، ۇلى اقىن فاريزا وڭعارسىنوۆانىڭ تۋعانىنا 85 جىل تولدى.

فاريزا وتكەن عاسىردىڭ 70-جىلدارى قازاق ادەبيەتىنە داۋىلدى جىرلارىمەن ەندى. تالانتتى اقىن، قايتالانباس مىنەزىمەن جانە تەرەڭ دۇنيەتانىمىمەن ولەڭدى بيىككە كوتەرىپ، قازاقتىڭ كوركەم ءسوزىن الەمگە تانىتتى.

ونىڭ جاۋھار جىرلارى مەن جارقىن بەينەسى ۇرپاق جادىندا ماڭگى ساقتالادى.

ەڭبەك جولىن اۋىل مۇعالىمدىگىنەن باستاعان اقىن 1968-1970-جىلدارى جۋرناليست رەتىندە دە ەلەۋلى ەڭبەك ءسىڭىردى. ونىڭ تابيعاتپەن ۇندەس بولمىسى جىرلارىنان دا كورىنىس تاپتى.

العاشقى ولەڭدەر جيناعى «ساندۋعاش» 1966-جىلى جارىق كورىپ، ادەبيەت الەمىنە ەرەكشە قۇبىلىس الىپ كەلدى.

1984-جىلى قازاق ك س ر مەملەكەتتىك سىيلىعىنىڭ لاۋرەاتى اتاندى. «قۇرمەت بەلگىسى»، پاراسات وردەندەرىمەن ماراپاتتالعان. رەسپۋبليكا مادەني- اعارتۋ ىسىنە ەڭبەگى سىڭگەن قىزمەتكەر.

قازاقستاننىڭ حالىق جازۋشىسى.

بۇعان دەيىن ماڭعىستاۋ وبلىسىندا مادەنيەت ۇيىنە فاريزا وڭعارسىنوۆانىڭ ەسىمى بەرىلگەن بولاتىن.