بۇگىن دۇنيەگە كەلگەن استانالىق سابيلەرگە ديماشتىڭ اناسى سىيلىق جاسادى
استانا. KAZINFORM - بۇگىن، 4 -ماۋسىم - مەملەكەتتىك رامىزدەر كۇنى دۇنيە ەسىگىن اشقان استانالىق سابيلەردىڭ اتا-انالارىنا سىيلىقتار تابىستالدى.
ءىس- شارا №3 پەريناتالدىق ورتالىقتا ءوتتى.
مەرەكەلىك شاراعا مادەنيەت جانە اقپارات مينيسترلىگىنىڭ وكىلدەرى جانە ق ر ەڭبەك سىڭىرگەن قايراتكەرى، بەلگىلى ءانشى سۆەتلانا ايتبايەۆا ارنايى قاتىستى.
مەرەكە كۇنى ومىرگە كەلگەن سابيلەر مەن ولاردىڭ انالارىنا مينيستر ايدا بالايەۆانىڭ اتىنان قۇتتىقتاۋ حاتتارى مەن سىيلىقتار تابىستالدى.
سۆەتلانا ايتپايەۆا الەمگە ايگىلى ءانشى ديماش قۇدايبەرگەننىڭ ارنايى قولتاڭباسى بار سىيلىقتاردى دا تارتۋ ەتتى. جاس انالارعا جىلى لەبىزدەرىن جەتكىزىپ، سابيلەرگە ۇزاق عۇمىر تىلەدى.
- ءىس-شارانىڭ نەگىزگى ماقساتى رامىزدەر كۇنىنىڭ ماڭىزىن ۇعىندىرا وتىرىپ، ۇلتتىق قۇندىلىقتاردى دارىپتەپ، جاس ۇرپاققا رۋحاني تاربيە بەرۋ، وتباسىلىق قۇندىلىقتار مەن جاڭا ءومىردىڭ باستاۋىن ەلدىك مۇددەمەن بايلانىستىرۋ بولدى، - دەپ ءتۇسىندىردى ۆەدومستۆودان.
ايتا كەتەيىك، ديماشتىڭ جانكۇيەرلەرىن وقىعان سىنىبى، وتىرعان پارتاسى، ساباق ۇلگەرىمى قىزىقتىردى.
