بۇگىن ايدا ەرەكشە قۇبىلىس بولادى

 بۇگىن، 29-قىركۇيەكتە اي تولادى. بۇل بيىلعى ءتورتىنشى ءارى سوڭعى قۇبىلىس بولماق، دەپ حابارلايدى قازاقپارات ءتىلشىسى. 

Айда ерекше құбылыс
Фото: Мақсат Шағырбаев/ҚазАқпарат ХАА

«سۋپەر اي» قۇبىلىسى - ايدىڭ تولۋى نەمەسە ايدىڭ جاڭارۋى پەريگەي نۇكتەسىنە جەتكەن كەزدە، اي مەن جەر ءبىر-بىرىنە بارىنشا جاقىن كەلگەندە بولادى. ەڭ جاقىن قاشىقتىق - 362000 ك م جۋىق. سوندىقتان بۇل كۇنى اي جارىق ءارى الدەقايدا ۇلكەن كورىنەدى.

تولعان اي كۇزگى كۇن مەن ءتۇننىڭ تەڭەلۋ كەزەڭىنە سايكەس كەلگەندىكتەن، ەگىن جيناۋ ايى دەپ اتالادى. ەجەلدەن ۇلكەن اي تابىس اكەلەدى جانە كۇزگى ەگىن جيناۋعا پايدالى اسەر ەتەدى دەپ ەسەپتەلگەن.

ايتا كەتەتىن نارسە، 28 جانە 29-قىركۇيەك تۇندەرى ءۇش پلانەتا ەرەكشە جارقىرايدى - يۋپيتەر، ساتۋرن جانە مەركۋري. استرونومداردىڭ ايتۋىنشا، مەركۋري ءوزىنىڭ «ادەتتەگى» باعىتىنا بۇرىلدى.

تولعان ايدى قازان ايىنىڭ باسىنا دەيىن تاعى بىرنەشە كۇن باقىلاۋعا بولادى. ايتپاقشى، دارىگەرلەر ايدىڭ تولۋى دەنساۋلىققا كەرى اسەرىن تيگىزەتىنىن ايتادى. ادامدا تۇندە ۇيقىنىڭ بۇزىلۋى، قان قىسىمىنىڭ جوعارىلاۋى، الاڭداۋشىلىق، باس اۋرۋى جانە باسقا دا جاعىمسىز بەلگىلەر بولۋى مۇمكىن. سوندىقتان تازا اۋادا سەرۋەندەپ، اسىرەسە كەشكە جاتار الدىندا ءشوپ شاي ءىشىپ، تابيعي تىنىشتاندىراتىن دارىلەر ىشۋگە كەڭەس بەرىلەدى.

اۆتور

ەلميرا ورالبايەۆا

سوڭعى جاڭالىقتار