بۇگىن اتىراۋ، ماڭعىستاۋ وبلىستارىندا قاتتى ىستىق بولادى
«قازگيدرومەت» ر م ك ەل اۋماعىندا 18-شىلدەدە بولاتىن قاۋىپتى مەتەورولوگيالىق قۇبىلىستارعا بولجام جاسادى.
باياۋ جىلجيتىن وڭتۇستىك سيكلون جانە ونىمەن بايلانىستى اتموسفەرالىق فرونتالدى بولىمدەر ەلدىڭ باسىم بولىگىندە اۋا رايىنىڭ تۇراقسىز سيپاتىن ساقتايدى، جاڭبىر جاۋادى. سولتۇستىكتە، شىعىستا، ورتالىقتا، وڭتۇستىك- شىعىستىڭ تاۋلى، تاۋ بوكتەرىندە قاتتى جاڭبىر جاۋادى، نايزاعاي ويناپ، بۇرشاق ءتۇسىپ، قاتتى جەل تۇرادى.
رەسپۋبليكا بويىنشا جەلدىڭ كۇشەيۋى كۇتىلەدى.
كۇندىز اتىراۋ، ماڭعىستاۋ وبلىستارىندا قاتتى ىستىق بولادى.
«اتىراۋ وبلىسىندا، باتىس قازاقستان وبلىسىنىڭ باتىسىندا، سولتۇستىگىندە، وڭتۇستىگىندە، جامبىل وبلىسىنىڭ سولتۇستىك-باتىسىندا، سولتۇستىك-شىعىسىندا، اباي وبلىسىنىڭ وڭتۇستىگىندە، ورتالىعىندا، اقتوبە وبلىسىنىڭ وڭتۇستىك- باتىسىندا، شىعىس قازاقستاننىڭ وڭتۇستىك- شىعىسىندا، ۇلىتاۋ وبلىسىنىڭ باتىسىندا، جەتىسۋ وبلىسىنىڭ سولتۇستىگىندە، پاۆلودار وبلىسىنىڭ شىعىسىندا جوعارى ءورت قاۋپى ساقتالادى»، - دەپ جازدى ۆەدومستۆودان.
ماڭعىستاۋ، اتىراۋدىڭ وڭتۇستىك-شىعىسىندا، قوستانايدىڭ وڭتۇستىگىندە، تۇركىستاننىڭ ءشولدى اۋداندارىندا، ورتالىعىندا، قىزىلوردا وبلىسىنىڭ وڭتۇستىگىندە، جامبىل وبلىسىنىڭ باتىسىندا توتەنشە ءورت قاۋپى بار.
