بۇگىن 8 وبلىستا ۇسىك ءجۇرۋى مۇمكىن

استانا. KAZINFORM - «قازگيدرومەت» ر م ك ەل اۋماعىندا 15-ساۋىردە بولاتىن قاۋىپتى مەتەورولوگيالىق قۇبىلىستارعا بولجام جاسادى.

دەرەككە قاراعاندا، اتموسفەرالىق فرونتالدى بولىمدەر قازاقستاننىڭ كوپ بولىگىنە ءوز ىقپالىن ساقتاپ، كۇن كۇركىرەيدى.

- كۇندىز ەلىمىزدىڭ وڭتۇستىك- باتىسىندا قاتتى جاڭبىر جاۋادى، تۇندە شىعىسىندا قاتتى جاۋىن-شاشىن (جاڭبىر، قار)، سولتۇستىگىندە، شىعىسىندا جاۋىن-شاشىن (جاڭبىر، قار) تۇسەدى. تەك رەسپۋبليكانىڭ باتىسىندا، وڭتۇستىگىندە جاۋىن-شاشىنسىز اۋا رايى بولجانادى. ق ر بويىنشا جەل، تۇمان كۇشەيۋى مۇمكىن، - دەپ جازادى سينوپتيكتەر.

كۇندىز جەتىسۋ وبلىسىنىڭ الاكول اۋدانىندا 30 م/س جانە ودان اسا قاتتى جەل كۇتىلەدى.

تۇندە سولتۇستىك قازاقستان وبلىسىنىڭ باتىسىندا، سولتۇستىگىندە، قوستاناي وبلىسىنىڭ باتىسىندا، باتىس قازاقستان وبلىسىنىڭ سولتۇستىگىندە، شىعىسىندا، اقتوبە وبلىسىنىڭ سولتۇستىگىندە، قاراعاندى، شىعىس قازاقستان وبلىستارىنىڭ جانە اباي وبلىسىنىڭ شىعىسىندا 3 گرادۋس ۇسىك جۇرەدى.

تۇندە اقمولا وبلىسىنىڭ باتىسىندا، ورتالىعىندا توپىراق بەتىندە 2 گرادۋس ۇسىك بولادى.

ايتا كەتەيىك، س ق و القاپتارىندا بيىل ىلعال قورى جەتكىلىكتى.