بۇگىن 4-شىلدەدە كىمدەر دۇنيەگە كەلگەن

استانا. KAZINFORM - بۇگىن، 4-شىلدە كۇنى تۇلعالاردان كىمدەر دۇنيەگە كەلگەن؟ Kazinform وقىرماندارىنا ەسىمدەر كۇنتىزبەسىن ۇسىنادى.

50 جىل بۇرىن (1974) قازاقستان رەسپۋبليكاسى مادەنيەت جانە اقپارات ءمينيسترى ايدا عالىم قىزى بالايەۆا دۇنيەگە كەلدى.

الماتى وبلىسى جامبىل اۋدانى جامبىل اۋىلىندا تۋعان. 2000 -جىلى اباي اتىنداعى الماتى مەملەكەتتىك ۋنيۆەرسيتەتىن ورىس ءتىلى مەن ادەبيەتى ءپانىنىڭ مۇعالىمى ماماندىعى بويىنشا، 2007 -جىلى قازاق ۇلتتىق اگرارلىق ۋنيۆەرسيتەتىن قۇقىقتانۋ ماماندىعى بويىنشا بىتىرگەن.

ەڭبەك جولى: 1999-2002 -جىلدارى الماتى وبلىستىق اقپارات جانە قوعامدىق كەلىسىم باسقارماسىنىڭ جەتەكشى مامانى، باس مامانى، ءبولىم باستىعى، 2002-2004 -جىلدارى الماتى قالالىق اقپارات جانە قوعامدىق كەلىسىم باسقارماسىنىڭ تالداۋ جانە قوعامدىق-ساياسي ۇردىستەردى ۇيلەستىرۋ ءبولىمىنىڭ باستىعى، 2004 -جىلى الماتى قالاسى بويىنشا اقپارات باسقارماسىنىڭ تالداۋ جانە بولجاۋ ءبولىمىنىڭ باستىعى، 2004-2005 -جىلدارى الماتى قالاسى بويىنشا اقپارات باسقارماسى باستىعىنىڭ ورىنباسارى، 2005-2006 -جىلدارى الماتى قالاسىنىڭ ىشكى ساياسات دەپارتامەنتى ديرەكتورىنىڭ ورىنباسارى، 2006-2008 -جىلدارى الماتى قالاسىنىڭ ىشكى ساياسات دەپارتامەنتىنىڭ ديرەكتورى، 2008-2010 -جىلدارى استانا قالاسىنىڭ ىشكى ساياسات باسقارماسىنىڭ باستىعى لاۋازىمىن اتقارعان.

2010-2014 -جىلدارى استانا قالاسى اكىمىنىڭ ورىنباسارى، 2014-2019 -جىلدارى ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى، 2019-2020 -جىلدارى ق ر پرەزيدەنتىنىڭ كومەكشىسى - ق ر پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى، 2020-2022 -جىلدارى ق ر اقپارات جانە قوعامدىق دامۋ ءمينيسترى، 2022-2023 -جىلدارى ق ر پرەزيدەنتى اكىمشىلىگى باسشىسىنىڭ ورىنباسارى قىزمەتىندە بولدى.

قازىرگى قىزمەتىن 2023 -جىلدىڭ قىركۇيەگىنەن بەرى اتقارىپ كەلەدى.

37 جىل بۇرىن (1987) قازاقستان رەسپۋبليكاسى كولىك ءمينيسترى مارات كارىمجان ۇلى قارابايەۆ دۇنيەگە كەلدى.

تاشكەنت وبلىسىندا (وزبەكستان رەسپۋبليكاسى) تۋعان. تاشكەنت اۆتوموبيل-جول ينستيتۋتىن، ۋورۆيك ۋنيۆەرسيتەتىن ( ۇلى بريتانيا)، م. ح، دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن.

ەڭبەك جولى: 2011 -جىلى ق ر اۋىل شارۋاشىلىعى مينيسترلىگى سۋ رەسۋرستارى كوميتەتى سۋ شارۋاشىلىعى جەلىلەرىن پايدالانۋ جانە دامىتۋ باسقارماسىنىڭ ساراپشىسى، 2011-2013 -جىلدارى ق ر يندۋستريا جانە جاڭا تەحنولوگيالار مينيسترلىگى جاڭا تەحنولوگيالار جانە ەنەرگيا ۇنەمدەۋ دەپارتامەنتى قىزمەت كورسەتۋ سالاسىنىڭ تەحنولوگيالىق دامۋى باسقارماسىنىڭ باس ساراپشىسى، 2014-2015 -جىلدارى وڭتۇستىك قازاقستان وبلىسىنىڭ كاسىپكەرلىك جانە يندۋستريالدى- يننوۆاتسيالىق دامۋ باسقارماسى باسشىسىنىڭ ورىنباسارى، 2015-2017 -جىلدارى وڭتۇستىك قازاقستان وبلىسىنىڭ كاسىپكەرلىك جانە يندۋستريالدى-يننوۆاتسيالىق دامۋ جانە تۋريزم باسقارماسىنىڭ باسشىسى، 2018-2019 -جىلدارى ق ر سيفرلىق دامۋ، قورعانىس جانە اەروعارىش ونەركاسىبى مينيسترلىگىنىڭ اسكەري-ونەركاسىپتىك كەشەندى دامىتۋ دەپارتامەنتىنىڭ ديرەكتورى، 2019-2020 -جىلدارى ق ر يندۋستريا جانە جاڭا تەحنولوگيالار مينيسترلىگى اسكەري- ونەركاسىپتىك كەشەندى دامىتۋ دەپارتامەنتىنىڭ ديرەكتورى بولىپ قىزمەت اتقارعان. 2020-2021 -جىلدارى ق ر يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى، 2021-2023 -جىلدارى ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى، 2023 -جىلى ق ر يندۋستريا جانە ينفراقۇرىلىمدىق دامۋ ءمينيسترى لاۋازىمىن اتقاردى.

2023 -جىلدىڭ قىركۇيەك ايىنان باستاپ قازىرگى قىزمەتىندە.

98 جىل بۇرىن (1926-2013) ءانشى (ليريكالىق باريتون)، ك س ر و مەن قازاقستاننىڭ حالىق ءارتىسى، پروفەسسور ەرمەك بەكمۇحامەد ۇلى سەركەبايەۆ دۇنيەگە كەلگەن.

پەتر چايكوۆسكي اتىنداعى الماتى مۋزىكالىق ۋچيليشەسىن (پەتر چايكوۆسكي اتىنداعى الماتى مۋزىكالىق كوللەدجى)، قۇرمانعازى اتىنداعى قازاق ۇلتتىق كونسەرۆاتورياسىن بىتىرگەن. ەرمەك سەركەبايەۆ ورىنداعان پارتيالاردىڭ ىشىندە احمەت جۇبانوۆ جانە لاتيف حاميديدىڭ وپەراسىنداعى ابايدى، «ءبىرجان مەن سارا» وپەراسىنداعى قوجاعۇلدى، امانگەلدىنى، پەتر چايكوۆسكيدىڭ «ەۆگەني ونەگين» جانە «پيكوۆايا داماسىندا» ونەگين مەن ەلەتسكيدى، دجواككينو روسسينيدىڭ «سيەۆيل شاشتارازىندا» فيگارونى، «ۋكروشەنيە ستروپتيۆويدا» پەترۋچچيونى، ەۆگەني برۋسيلوۆسكي مەن ەركەعالي راحماديەۆتىڭ وپەراسىنداعى ەر تارعىن جانە الپامىس باتىرلاردى جانە باسقا دا كوپتەگەن وپەرالاردا ويناعان.

كينو ونەرى سالاسىنا دا اتسالىسىپ، «تاقيالى پەرىشتە»، «ءبىزدىڭ سۇيىكتى دارىگەر»، ت. ب. فيلمدەرگە تۇسكەن. گاسترولدىك ساپارمەن الەمنىڭ 50 دەن اسا ەلدەرىندە بولعان. 1973 -جىلدان باستاپ قۇرمانعازى اتىنداعى قازاق ۇلتتىق كونسەرۆاتورياسىندا ۆوكال كلاسى بويىنشا ءدارىس بەرگەن. 2006 -جىلى ماسكەۋ كونسەرۆاتورياسىنىڭ ۇلكەن زالىندا ءان شىرقاعان. 1947 -جىلدان باستاپ ءومىرىنىڭ سوڭىنا دەيىن اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا سوليست بولدى. كسرو جوعارعى كەڭەسى 7-شاقىرىلىمىنىڭ دەپۋتاتى، قازاق ك س ر جوعارعى كەڭەسى 8، 11-شاقىرىلىمدارىنىڭ دەپۋتاتى.

«وتان»، ەڭبەك قىزىل تۋ، قازان رەۆوليۋتسياسى، 2 مارتە لەنين وردەندەرىمەن، مەدالدارمەن ماراپاتتالعان. ك س ر و مەن قازاقستان رەسپۋبليكاسى مەملەكەتتىك سىيلىعىنىڭ، حالىقارالىق ۆوكاليستەر كونكۋرسىنىڭ لاۋرەاتى، ۆوكاليستەر مەن بالەت ارتىستەرىنىڭ بۇكىلوداقتىق كونكۋرسى سىيلىعىنىڭ جانە «تارلان» سىيلىعىنىڭ يەگەرى.

اۆتور

زارينا تۋعانبايەۆا