بىلتىر 92 ميلليارد تەڭگە نەگە يگەرىلمەدى - ۇكىمەت ەسەبى
استانا. KAZINFORM - بۇگىن پارلامەنت ماجىلىسىندە 2024-جىلعى بيۋجەتتىڭ اتقارىلۋى تۋرالى ۇكىمەت ەسەبىن تانىستىرۋ كەزىندە قارجى ۆيتسە-ءمينيسترى داۋرەن تەمىربەكوۆ بيۋجەت شىعىستارىنا تۇسىنىك بەردى.
- بيۋجەت شىعىستارى 97,8 پايىزعا اتقارىلدى جانە 23,6 تريلليون تەڭگەنى قۇرادى. 526 ميلليارد تەڭگە اتقارىلمادى. ونىڭ ىشىندە 12 ميلليارد تەڭگە - بۇل ۇكىمەت رەزەرۆى قاراجاتىنىڭ بولىنبەگەن قالدىعى جانە وزگە دە ۇنەمدەۋ. 422 ميلليارد تەڭگە سوماسىنداعى اتقارىلماۋ بيۋجەتتىك كرەديتتەر مەن الەۋمەتتىك مەديتسينالىق ساقتاندىرۋ قورىنا ترانسفەرتتەر بويىنشا شىعىستارعا بولىنبەۋ سەبەبىنەن قالىپتاستى. الايدا، اتالعان جاعدايدىڭ حالىققا تىكەلەي اسەر ەتپەگەنىن اتاپ وتكىم كەلەدى، قاجەت مەديتسينالىق قىزمەتتەر الەۋمەتتىك مەديتسينالىق ساقتاندىرۋ قورىنىڭ ەسەبىنەن كورسەتىلگەن. 92 ميلليارد تەڭگە - يگەرىلمەگەن، - دەدى د. تەمىربەكوۆ.
يگەرىلمەۋدىڭ نەگىزگى سەبەپتەرى: شارتتاردى جاساماۋ، ءونىم بەرۋشىلەردىڭ تاۋارلاردى ۋاقتىلى جەتكىزبەۋى، جوسپارلانعان ءىس-شارالاردى ۋاقتىلى وتكىزبەۋ، كونكۋرستىق راسىمدەردى ۇزاققا سوزىپ وتكىزۋ جانە ءونىم بەرۋشىلەردىڭ شارت تالاپتارىن بۇزۋى.
بۇدان بۇرىن حابارلانعانداي، ءماجىلىس ءتوراعاسىنىڭ ورىنباسارى دانيا ەسپايەۆا 2024-جىلى ءتيىمسىز پايدالانىلعان بيۋجەت قاراجاتى مەن اكتيۆتەر كولەمى 2 ەسەگە جۋىق وسكەنىن ايتتى.
