بىلتىر 14 مىڭنان اسا وزبەكستاندىق قازاقستانعا قونىس اۋدارعان

تاشكەنت. قازاقپارات - 2023 -جىلى وزبەكستاننان وزگە ەلدەرگە 17,3 مىڭ ادام قونىس اۋداردى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

وزبەكستان ستاتيستيكا اگەنتتىگىنىڭ دەرەگىنشە، وزبەكستاندىقتاردىڭ باسىم بولىگى قازاقستانعا (14051 ادام)، رەسەيگە (2670 ادام)، وڭتۇستىك كورەياعا (107 ادام) جانە تۇرىكمەنستانعا قونىس اۋدارعان.

بۇل رەتتە تۇراقتى تۇرۋ ءۇشىن كوشكەن وزبەكستاندىقتاردىڭ %81,4 ەڭبەككە قابىلەتتى جاستا بولعان.

ال وسى ارالىقتا وزبەكستانعا 2,9 مىڭ ادام قونىس اۋداردى.

ونىڭ باسىم بولىگى رەسەيلىكتەر - 1,1 مىڭ ادام، ودان كەيىن قازاقستان - 726 ادام جانە 286 تاجىكستاندىق كوشىپ كەلگەن.

قوسا كەتسەك، بىلتىر 1,2 ميلليون قازاقستاندىق وزبەكستانعا تۋىسقاندارىمەن كورىسۋ ءۇشىن بارعان.

سونداي-اق، ءبىر جىلدا وزبەكستان حالقىنىڭ سانى 2,2 پايىزعا ءوسىپ، 36,7 ميلليوننان استى.