بەيجىڭدە 3- قىركۇيەكتە جەڭىستىڭ 80 جىلدىعىنا وراي پاراد وتەدى
استانا. قازاقپارات - 2025 -جىلعى 3- قىركۇيەكتە بەيجىڭدە قىتاي حالقىنىڭ جاپون باسقىنشىلارىنا قارسى سوعىستاعى جەڭىسىنىڭ جانە دۇنيەجۇزىلىك انتيفاشيستىك سوعىستاعى جەڭىستىڭ 80 جىلدىعىنا ارنالعان اسكەري پاراد وتەدى.
بۇل تۋرالى قىتاي حالىق رەسپۋبليكاسىنىڭ مەملەكەتتىك كەڭەسىنىڭ باسپاءسوز ءماسليحاتىندا ايتىلدى.
Xinhua اگەنتتىگىنىڭ مالىمەتىنشە، اسكەري پارادقا جاياۋ شەرۋلەر، اسكەري تەحنيكا كولوننالارى مەن اۋە ەشەلوندارى قاتىسادى.
پاراد بارىسىندا قىتاي جاڭا ۇلگىدەگى اسكەري كۇشتەردى، سونىڭ ىشىندە زياتكەرلىك ۇشقىشسىز تەحنيكانى تانىستىرادى.
قىتاي كوممۋنيستىك پارتياسىنىڭ ورتالىق كوميتەتىنىڭ باس حاتشىسى شي جينپيڭ ءسوز سويلەيدى.
بۇعان دەيىن قىتاي حالىق رەسپۋبليكاسى دونالد ترامپتىڭ مالىمدەمەسىنە قاتىستى پىكىر ءبىلدىرىپ، بەيجىڭ ءبىرجاقتى سانكتسيالارعا قارسى ەكەنىن العا تارتتى.
