بەيجىڭ 2029 -جىلعى الەمدىك ساۋلەت استاناسى بولىپ جاريالاندى
استانا. KAZINFORM - يۋنەسكو جانە حالىقارالىق ساۋلەتشىلەر وداعى (ح س و) بەيجىڭ قالاسىن 2029 -جىلعى الەمدىك ساۋلەت استاناسى دەپ جاريالادى. شەشىم باعدارلامانىڭ بىرلەسكەن كوميتەتىنىڭ ۇسىنىسى نەگىزىندە قابىلداندى، دەپ حابارلايدى Xinhua.
ۇيىمداستىرۋشىلار قىتاي استاناسىنىڭ باي ساۋلەت مۇراسىن تۇراقتى دامۋعا باعىتتالعان كوزقاراسپەن ۇيلەستىرۋدەگى ەرەكشە قابىلەتىن اتاپ ءوتتى.
- بەيجىڭنىڭ تاريحي قالالىق ورتاسى، ءساتتى جاڭارتۋ جوبالارى جانە جارقىن ساۋلەت مادەنيەتى مۇرا، يننوۆاتسيالار جانە تۇرعىندار ءومىرىنىڭ ءبىر-ءبىرىن قالاي تولىقتىرا الاتىنىن، قالالاردى تۇراقتى جانە ءومىر سۇرۋگە قولايلى ەتەتىنىن كورسەتەدى، - دەلىنگەن مالىمدەمەدە.
الەمدىك ساۋلەت استاناسى اتاعى ءۇش جىل سايىن حالىقارالىق ساۋلەتشىلەر وداعىنىڭ دۇنيەجۇزىلىك كونگرەسىن وتكىزەتىن قالاعا بەرىلەدى.
باعدارلاما ساۋلەت ونەرىنىڭ، قالا قۇرىلىسىنىڭ جانە مادەني مۇرانىڭ تۇراقتى قالالىق دامۋدى ىلگەرىلەتۋدەگى ءرولىن اتاپ وتۋگە ارنالعان.
وسىعان دەيىن قىتاي ەلگە كىرۋ جانە شىعۋ تارتىبىنە جاڭا ەرەجەلەر ەنگىزەتىنىن حابارلادىق.
