بيشىمبايەۆ يزولياتوردا توبەلەس شىعارعان: ق ا ج ك جاۋاپ بەردى

استانا. قازاقپارات - الەۋمەتتىك جەلىدە قۋاندىق بيشىمبايەۆ تەرگەۋ يزولياتورىندا بەلگىسىز سەبەپتەرمەن بىرگە وتىرعان اداممەن توبەلەسكەنى تۋرالى اقپارات تارادى.

وقيعاعا قاتىستى ق ا ج ك وكىلدەرى پىكىر ءبىلدىردى، - دەپ حابارلايدى Massaget.kz ءتىلشىسى.

«بۇل اقپارات شىندىققا سايكەس كەلمەيدى. قىلمىستىق-اتقارۋ جۇيەسى كوميتەتى جالعان اقپارات تاراتقانى ءۇشىن جاۋاپكەرشىلىك بارىن ەسكەرتەدى»، - دەپ جازىلعان حابارلامادا.

ايتا كەتەيىك، سوت ۇكىمىمەن قۋاندىق بيشىمبايەۆ 24 جىلعا، باقىتجان بايجانوۆ 4 جىلعا سوتتالعان بولاتىن.

ەسكە سالايىق، بيشىمبايەۆ پەن بايجانوۆ ءىسى اپەللياتسيالىق سوتقا 11-ماۋسىمدا ءتۇستى.

بۇعان دەيىن جوعارعى سوتتىڭ قىلمىستىق ىستەر جونىندەگى سوت القاسىنىڭ ءتوراعاسى نازگۇل راحمەتۋللينا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىس بويىنشا اپەللياتسيالىق شاعىم قانشا ۋاقىتقا دەيىن قارالۋى مۇمكىن ەكەنىن ايتقان بولاتىن.

الايدا اپەللياتسيالىق ساتىدا دا بيشىمبايەۆ پەن بايجانوۆقا قاتىستى ۇكىم وزگەرىسسىز قالدى.