بيشىمبايەۆ ءىسى: ءىنىسى باقىتجان بايجانوۆ راقىمشىلىققا ءوتىنىش بەردى
استانا. KAZINFORM - بۇرىنعى ۇلتتىق ەكونوميكا ءمينيسترى، ازاماتتىق نەكەدەگى ايەلىن ءولتىردى دەپ ايىپپەن سوتتالعان قۋاندىق بيشىمبايەۆتىڭ تۋىس ءىنىسى باقىتجان بايجانوۆ (ول دا ءىستى بولدى) راقىمشىلىققا ءوتىنىم بەردى.
بۇل اقپاراتتى جوعارعى سوتتىڭ باسپا ءسوز قىزمەتى راستادى.
- ستەپنوگور اۋداندىق سوتىنىڭ مالىمەتىنشە، 2025 -جىلعى 9-شىلدەدە باقىتجان بايجانوۆ راقىمشىلىق تۋرالى زاڭعا سايكەس جازانىڭ مەرزىمىن قىسقارتۋ جونىندە وتىنىشپەن جۇگىنگەن. اتالعان ءوتىنىشتى قاراۋ كۇنى ءالى بەلگىلەنگەن جوق، - دەلىنگەن حابارلامادا.
ايتا كەتسەك، ءىستى بولعان قۋاندىق بيشىمبايەۆتىڭ تۋىس ءىنىسى باقىتجان بايجانوۆ بوستاندىققا ەرتە شىعۋى ماسەلەسى بۇعان دەيىن دە قوزعالعان ەدى.
ەسكە سالايىق، ەكس-شەنەۋنىك قۋاندىق بيشىمبايەۆ ازاماتتىق نەكەدە بولعان ايەلىن ولتىرگەنى ءۇشىن 24 جىلعا سوتتالدى. ال تۋىس ءىنىسى باقىتجان بايجانوۆ 4 جىلعا باس بوستاندىعىنان ايىرىلدى.
اۆتور
داۋلەت ىزتىلەۋ
