21:41, 18 - ماۋسىم 2025 | GMT +5
بيۋدجەتتى يگەرمەگەن ءبىرىنشى باسشىلارعا جاۋاپكەرشىلىك كۇشەيەدى - مينيستر
استانا. KAZINFORM - ەلىمىزدە بيۋدجەت قارجىسىن يگەرمەگەن ءبىرىنشى باسشىلارعا اكىمشىلىك جاۋاپكەرشىلىك كۇشەيتىلەدى. بۇل تۋرالى قارجى ءمينيسترى ءمادي تاكيەۆ ءمالىم ەتتى.
ءماجىلىستىڭ جالپى وتىرىسىنان كەيىن وتكەن باسپا ءسوز ءماسليحاتىندا تىلشىلەر قارجى ءمينيسترى ءمادي تاكيەۆكە بيۋدجەت قاراجاتىن دۇرىس يگەرمەگەن ءبىرىنشى باسشىلاردىڭ جاۋاپكەرشىلىگىن قاتاڭداتۋعا قاتىستى ساۋال قويدى.
- قاراستىرامىز، بىلتىر 73 تۇلعاعا ايىپپۇل سالىندى. جالپى ويىمىزدا بار، اكىمشىلىك جاۋاپكەرشىلىكتى كۇشەيتۋ، - دەپ جاۋاپ بەردى ءمادي تاكيەۆ.
ءمينيستردىڭ مالىمدەۋىنشە، بۇگىندە بيۋدجەت قاراجاتىن يگەرۋگە قاتىستى ۆيتسە-مينيستر مەن كوميتەت باسشىلارى جاۋاپقا تارتىلعان.
سونداي-اق ۆەدومستۆو باسشىسى ءبىرىنشى باسشىلارعا جاۋاپكەرشىلىكتى كۇشەيتۋ بيىل ەنگىزىلەتىنىن ايتتى.
