بەيبىت جۇقايەۆ قىتايداعى جارىستىڭ ەكىنشى اينالىمىنا جولداما الدى

 استانا. KAZINFORM - قازاقستاندىق، الەمنىڭ 182-راكەتكاسى بەيبىت جۇقايەۆ گۋاڭجۋ (قىتاي) چەللەندجەر ءتۋرنيرىنىڭ ەكىنشى اينالىمىنا جولداما الدى.

قازاقستاندىق تەننيسشى باستاپقى كەزدەسۋىن دۇنيەجۇزىلىك رەيتينگىدە 332-ورىندا تۇرعان بەلارۋس وكىلى ەگور گەراسيموۆپەن وتكىزدى.

بەيبىت جۇقايەۆ 6:1، 6:4 ەسەبىمەن ايقىن باسىمدىلىقپەن ۇتتى.

ءبىر ساعات 18 مينۋتقا سوزىلعان باسەكە بارىسىندا بەيبىت 12 ەيسپەن بىرگە 5 برەيك-پوينتتىڭ ۇشەۋىن قۇر جىبەرگەن جوق.

بەيبىت جۇقايەۆ شيرەك فينالعا شىعۋ ءۇشىن كورت يەسى، رەيتينگىدە 485-ساتىداعى ريگەل تەمەن تالاسادى.

بەيبىت رەسەيلىك اليبەك كاچمازوۆپەن بىرگە جۇپتىق سىندا دا ونەر كورسەتەدى.

تاعى ءبىر قازاقستاندىق، الەمنىڭ 184-راكەتكاسى دەنيس ەۆسەيەۆ العاشقى اينالىمدا رەيتينگىدە 241-ورىنداعى اۋستراليالىق تريستان سكۋلكەيتتەن جەڭىلىس تاپتى - 2:6, 0:3. ەكىنشى سەتتە د. ەۆسەيەۆ ماتچتى جالعاستىرۋدان باس تارتتى.

ەسكە سالا كەتەيىك، بۇدان بۇرىن ەلەنا رىباكينانىڭ مادريدتە 18 جاستاعى تەننيسشىنى جەڭىپ، شيرەك فينالعا شىققانىن جازعان بولاتىنبىز.

مادريد ءتۋرنيرىنىڭ شيرەك فينالىندا پۋتينتسيەۆا مەن رىباكينا وينايدى.