بوزبالالاردى اسكەرگە كۇشتەپ اكەتۋدى قولدايمىن - ابزال قۇسپان

استانا. KAZINFORM - ءماجىلىس دەپۋتاتى ابزال قۇسپان جاستاردى اسكەرگە كۇشتەپ الىپ كەتۋ دەرەكتەرىنە قاتىستى پىكىر ءبىلدىردى.

абзал құспан
Фото: Мәжіліс

«بۇل تەك قازاقستاندا بولىپ جاتقان جاعداي ەمەس. كورشىلەس ەلدەردە دە بار. ونىڭ ۇستىنە سوڭعى گەوساياسي جاعدايعا بايلانىستى ارميامىزدى كۇشەيتۋ قاجەت. ودان باسقا جول جوق»، - دەدى ابزال قۇسپان پارلامەنتتىڭ بىرلەسكەن وتىرىسىنان كەيىن ب ا ق وكىلدەرىنىڭ ساۋالىنا بەرگەن جاۋابىندا.

وسى رەتتە تىلشىلەر ابزال قۇسپاننىڭ بوزبالالاردى كۇشتەپ اسكەرگە الىپ كەتۋگە قاتىسى ناقتى پىكىرىن بىلگەن ەدى.

«بوزبالالاردى اسكەرگە كۇشتەپ الىپ كەتۋدى قولدايمىن. دۇرىس دەپ ەسەپتەيمىن. ويتكەنى، كونستيتۋتسيا بويىنشا وتان الدىنداعى بورىشىن وتەۋ - ءار ازاماتتىڭ بورىشى، مىندەتى»، - دەدى ءماجىلىس دەپۋتاتى.

اۆتور

مارلان جيەمباي

سوڭعى جاڭالىقتار