بورانبايەۆ قۇنى 1,4 ميلليارد تەڭگە بولاتىن قوناق ءۇيىن مەملەكەت مەنشىگىنە بەرەدى

قايرات بورانبايەۆ مەملەكەتكە جالپى قۇنى 1,4 ميلليارد تەڭگەدەن اساتىن «Comfort Hotel Astana» قوناق ءۇي كەشەنىن قايتاراتىن بولدى، دەپ حابارلايدى Kazinform قارجى مونيتورينگى اگەنتتىگىنىڭ باسپا ءسوز قىزمەتىنە سىلتەمە جاساپ.

Кайрат Боранбаев
Фото: Фото: кадр из видео

"ق. بورانبايەۆتىڭ كومپانيالارى مەملەكەتتىك مۇلىك كوميتەتىنە جالپى قۇنى 1,4 ميلليارد تەڭگەدەن اساتىن «Comfort Hotel Astana» قوناق ءۇي كەشەنىن مەملەكەت مەنشىگىنە ءوز ەركىمەن بەرۋ ءۇشىن ءتيىستى وتىنىمدەر بەردى.

اۋماعى 5 مىڭ شارشى مەتردەن اساتىن بۇل قوناق ءۇي كەشەنىنىڭ جىلدىق اينالىمى 900 ميلليون تەڭگەگە جۋىق" دەلىنگەن حابارلامادا.

قولدانىستاعى زاڭناماعا سايكەس بۇل نىساندى الەۋمەتتىك ماقساتتا دەمالىس، ساۋىقتىرۋ جانە ءبىلىم بەرۋ ورتالىقتارىن ۇيىمداستىرۋ ءۇشىن پايدالانۋ جوسپارلانۋدا.

سوڭعى جاڭالىقتار