بوران ۇيىتقىپ تۇر: توتەنشە جاعداي قىزمەتى ەلوردالىقتارعا ەسكەرتۋ جاريالادى
استانادا اۋا رايىنىڭ كۇرت بۇزىلدى. اتاپ ايتقاندا، بۇرقاسىن كوتەرىلىپ، قار جاۋىپ تۇر، جەلدىڭ جىلدامدىعى 28 م/س جەتتى.
وسىعان بايلانىستى استانا قالاسىنىڭ توتەنشە جاعدايلار دەپارتامەنتى ەلوردا تۇرعىندارى مەن قوناقتارىنا قالا سىرتىنا شىقپاۋىن جانە اباي بولۋ كەرەكتىگىن ەسكە سالدى. اۋا رايىنىڭ وزگەرۋى جانە ەنگىزىلگەن شەكتەۋلەر تۋرالى بۇكىل اقپاراتتى باقىلاۋدا ۇستاۋ كەرەك، دەپ حابارلايدى Kazinform.
«قازگيدرومەت» ر م ك مالىمەتىنشە، 29-31-جەلتوقسان ارالىعىندا استانادا قالىڭ قار جاۋىپ، جەل كۇشەيەدى، بوران سوعادى.
«داۋىلدى جەل كەزىندە ءبىرىنشى كەزەكتە ەلەكتر جەلىلەرى مەن جابدىقتارىنىڭ، تۇرعىن ۇيدەگى جىلىتۋ پەشىنىڭ جاي- كۇيىن تەكسەرۋ، ىشكى جانە سىرتقى ورتكە قارسى سۋ قۇبىرىنىڭ، تەلەفون بايلانىسىنىڭ جارامدىلىعىن قامتاماسىز ەتۋ، ورتكە قارسى دايىندىق جۇمىستارىن جۇرگىزۋ قاجەت. پاتەردە ءسىز جوقتا كەنەتتەن ەلەكتر توگى قوسىلعان كەزدە ءورت بولماس ءۇشىن بۇكىل ەلەكتر قۇرىلعىلارىنىڭ قۋاتىن ءوشىرىپ، بارلىق توك كوزدەرىن اجاراتىپ كەتىڭىز. سونداي- اق كولىكتى اعاشتار مەن توزىعى جەتكەن عيماراتتاردان الىس جەرگە قويىڭىز. پاتەردەگى بارلىق تەرەزەلەردى مىقتاپ جاپقان ءجون. سىرتتا قاتتى جەلدە قالىپ قالساڭىز، قۇتقارۋشىلار قاۋىپسىز جەردى پانالاۋعا كەڭەس بەرەدى. ەلوردا تۇرعىندارى مەن قوناقتارىنان داۋىلدى ەسكەرتۋ كەزىندە جولدا ساق بولۋدى، قاۋىپسىزدىك ەرەجەلەرىن ساقتاۋدى، ۇزاق ساپارعا شىقپاۋدى سۇرايمىز» دەپ كەڭەس بەردى ت ج د ماماندارى.
توتەنشە جاعداي تۋىنداعان جاعدايدا 112 نومىرىنە قوڭىراۋ شالىڭىز.
ەستەرىڭىزگە سالا كەتەيىك، بۇگىن تاڭەرتەڭنەن بەرى ەلوردادا قار تازالاۋ جۇمىستارىنا 2344 جول جۇمىسشىسى مەن 1200 دەن استام ارنايى تەحنيكا جۇمىلدىرىلعان.
جەلتوقساننىڭ 28 نەن 29 ىنا قاراعان ءتۇنى استانادان 17 مىڭ تەكشە مەترگە جۋىق قار شىعارىلدى، بۇل - 1478 اۋىر جۇك كولىگىنىڭ كولەمىنە تەڭ.
