بوران سوعىپ، كوكتايعاق بولادى: ءۇش كۇنگە ارنالعان اۋا رايى بولجامى

استانا. KAZINFORM - قازگيدرومەت 18، 19، 20-قاراشاعا ارنالعان اۋا رايى بولجامىن جاريالادى.

الداعى كۇندەرى قازاقستان اۋماعىنىڭ باسىم بولىگىندە اۋا رايى تۇراقسىز بولادى. بۇعان سەبەپ - كەزەكتى سيكلون. سوندىقتان جاڭبىر، قار جاۋىپ، سولتۇستىك وڭىرلەردە بوران سوعىپ، كوكتايعاق بولادى.

تەك ەلىمىزدىڭ وڭتۇستىك-باتىسىندا، سونداي-اق، 19-20-قاراشادا شىعىسىندا جاۋىن-شاشىنسىز اۋا رايى بولجانىپ وتىر.

رەسپۋبليكا بويىنشا جەل كۇشەيىپ، تۇمان تۇسەدى.

اۋا تەمپەراتۋراسى ايتارلىقتاي وزگەرمەيدى. تەك شىعىس وڭىرلەردە تۇندە اۋا تەمپەراتۋراسى 6-23 گرادۋس ايازعا دەيىن تومەندەپ، كۇندىز تەرمومەتر باعانى 2-10 گرادۋس جىلىنى كورسەتەدى.