بولگاريادا تاعى دا پارلامەنت سايلاۋى ءوتىپ جاتىر

استانا. قازاقپارات - 27-قازاندا بولگاريا پارلامەنتتى قايتادان سايلايدى. سايلاۋ سوڭعى ءۇش جىلدا جەتىنشى رەت جانە بيىل ەكىنشى رەت وتكىزىلىپ وتىر. ءتورت جىل بۇرىن اۋقىمدى نارازىلىق تولقىنىن باستان وتكەرگەن جانە جەمقورلىقتان زارداپ شەككەن ەل 2021 -جىلدان بەرى تۇراقتى ۇكىمەت قۇرا الماي وتىر. سول كەزدە سايلاۋشىلار جىلىنا ءۇش رەت سايلاۋ ۋچاسكەلەرىنە بارۋعا شاقىرىلاتىن، دەپ جازادى BBC News.

بولگاريا حالىقتىڭ سايلاۋعا دەگەن سەنىمسىزدىگى بويىنشا ەۋروپادا عانا ەمەس، الەم بويىنشا رەكوردسمەن. وتكەن جىلى Gallup مالىمەتى بويىنشا، ازاماتتاردىڭ تەك %10 ى عانا پروتسەستىڭ ءادىل وتكەنىنە سەنگەن (ەو ورتاشا كورسەتكىشى %62).

داۋىس بەرۋ ۇنەمى سايلاۋشىلاردى ساتىپ الۋ جانجالدارىمەن بىرگە جۇرەدى. ادامدار داۋىستى «سىرا مەن كاۋاپقا» ساتىپ الاتىنىن ايتادى.

ماۋسىمداعى سوڭعى پارلامەنتتىك سايلاۋ كەزىندە سايلاۋشىلاردىڭ قاتىسۋى %35 دان از بولدى. بۇل 2021 -جىلى %50 دان ءسال عانا استام بولعان.

بولگارلاردىڭ ە و باسشىلىعىن ماقۇلداۋ دەڭگەيى دە تومەندەپ بارادى. قازىر بۇل كورسەتكىش Gallup مالىمەتىنشە، رەكوردتىق تومەن - %42. بۇل - ۆەنگريا مەن سلوۆاكياداعى كورسەتكىش.

وسىعان قاراماستان، ساۋالنامالارعا سايكەس، بريكس- كە قوسىلۋدى جاقتايتىن جانە ەلدىڭ ناتو مەن ە و-عا مۇشەلىگىنە كۇمان كەلتىرەتىن اسىرە وڭشىل «جاڭعىرۋ» پارتياسى كەلەسى پارلامەنتتە ءوز ۇستانىمىن نىعايتا الادى.

بۇعان دەيىن بولگاريانىڭ جاڭا ۇكىمەتى انت قابىلداپ، ەلدە مەرزىمىنەن بۇرىن وتەتىن سايلاۋ كۇن بەلگىلەنگەنىن جازعان بولاتىنبىز.