«بولاشاقتىڭ كيىز ءۇيى» جوباسى حالىقارالىق ماراپاتقا يە بولدى

استانا. قازاقپارات - الماتىلىق ساۋلەتشىنىڭ «بولاشاقتىڭ كيىز ءۇيى» جوباسى حالىقارالىق ماراپاتقا يە بولدى. 29 جاستاعى راۆيل نۇرعيسا حالىقارالىق Design Educates Awards (ديزاين ەديۋكەيتس ەۆوردس) بايقاۋىنىڭ لاۋرەاتى اتاندى.

 ول قازاقتىڭ كيىز ءۇيىن نەگىزگە الا وتىرىپ، زاماناۋي ءارى ەكولوگيالىق تەحنولوگيالارمەن بىرىكتىرگەن. بولاشاق كيىز ءۇيىنىڭ اۋدانى 25 شارشى مەتر، ءىشى جيھازبەن جابدىقتالعان. سونىمەن قاتار جاۋىن سۋىن تازارتاتىن اۆتونومدى جۇيە جانە كۇن ەنەرگياسىنان قۋات الاتىن قوندىرعى ورناتىلعان. مۇنداي كيىز ءۇيدىڭ قۇنى شامامەن 20 ميلليون تەڭگە. جوبا «ساۋلەتتىك ديزاين» اتالىمىندا جەڭىمپاز بولدى. ماراپاتتاۋ ءراسىمى گەرمانيادا وتەدى.

 راۆيل نۇرعيسا، ساۋلەتشى:

- قازاقستاننىڭ تۋريزمىن كىشكەنە قولعا الىپ، دامىتساق دەگەن ويمەن جاساعان بولاتىنبىز. سول سەبەپتى تۋريستىك جەرلەردە گلەمپينگ سياقتى شارالاردى وتكىزۋگە ىڭعايلى بولادى، دەپ ويلايمىن. ەكولوگيا تاقىرىبىن ول جەردە كوتەرگەن بولاتىنبىز. ويتكەنى ىشىندە سۋدى جانە جاڭبىردىڭ سۋىن سولاردىڭ ءبارىن تازالاپ، جاڭادان قولدانسا بولادى.

 24.kz