بەتىڭىزدە بەزەۋ پايدا بولۋىنىڭ 8 سەبەبى

بەزەۋ - بۇل تەرىنىڭ ەڭ كوپ تارالعان اۋرۋى. بەزەۋدىڭ پايدا بولۋىنىڭ سەبەبى كوپ جانە ونى ەمدەۋ ءۇشىن ادام اعزاسىن جەكە زەرتتەۋ قاجەت.

دەرماتولوگ، تريحولوگ اننا سەرديۋك بەتتە بەزەۋ پايدا بولۋىنىڭ مۇمكىن سەبەپتەرىن اتادى، - دەپ حابارلايدى Massaget.kz ءتىلشىسى «پوچەمۋ بوليت-كە» سىلتەمە جاساپ.

بەزەۋ تەرى تەسىگى مەن شاش فولليكۋلالارىنىڭ ءولى جاسۋشالارى، ماي جانە باكتەريالارمەن بىتەلۋىنە بايلانىستى شىعادى. ءىرىڭدى بەزەۋ، ەڭ الدىمەن، بەت، كەۋدە جانە ارقاعا شىعادى، ۋاقىت وتە تەرىدە داق، ءتىپتى تىرتىق پايدا بولۋى مۇمكىن.

بەزەۋ شىعۋىنىڭ 8 سەبەبى:

گورمونالدى بۇزىلىس؛

ستەرويدتى پرەپاراتتاردى قولدانۋ؛

دۇرىس تاماقتانباۋ؛

دارۋمەن تاپشىلىعى؛

كوسمەتيكانى دۇرىس پايدالانباۋ؛

ينفەكسيا؛

تۇقىم قۋالايتىن فاكتورلار؛

مايدىڭ ارتىق ءبولىنۋى.

«اۋرۋدىڭ دامۋ فاكتورلارى سىرتقى جانە ىشكى بولىپ ءبولىنۋى مۇمكىن. سىرتقى فاكتورلارعا دۇرىس تاڭدالماعان تەرى كۇتىمى، مايلى جانە قانتتى تاعامداردى كوپ جەۋ، سونداي-اق گيگيەنانى ساقتاماۋ جاتادى. ىشكى فاكتورلارعا اسقازان-ىشەك جولدارىنىڭ، ەندوكريندىك جۇيەنىڭ بۇزىلۋى جانە يممۋنيتەتتىڭ السىرەۋى كىرەدى»، - دەپ ءتۇسىندىردى دەرماتولوگ.

مەديتسينادا بەزەۋ اۋرۋى دامۋىنىڭ 4 كەزەڭى بار: جەڭىل، ورتاشا، اۋىر جانە وتە اۋىر.

«اۋىر جانە وتە اۋىر كەزەڭدە ناۋقاس ستاتسيونارلىق ەمدى قاجەت ەتۋى مۇمكىن، ال باستاپقى كەزەڭدەرىن دارىگەردىڭ بارلىق ۇسىنىسىن ەسكەرىپ، بەزەۋدەن ءۇي جاعدايىندا قۇتىلۋعا بولادى»، - دەدى اننا سەرديۋك.