بەت-ءجۇزىن بۇركەمەلەگەندەرگە قانداي جازا قولدانىلادى - ءى ءى م جاۋابى

استانا. KAZINFORM - ىشكى ىستەر ءمينيسترىنىڭ ورىنباسارى سانجار ءادىلوۆ بەت-ءجۇزىن بۇركەمەلەگەندەرگە نەگە جازا قولدانىلمايتىنىن ءتۇسىندىردى.

- بۇل نورما قۇقىق بۇزۋدىڭ الدىن الۋ زاڭىنا ەنگىزىلىپ وتىر. بۇل - ماتەريالدىق نورما. بۇگىن دە ايتتىق، مادەنيەت جانە اقپارات مينيسترلىگىندەگى ارىپتەستەرىمىزبەن بىرگە ءتۇسىندىرۋ جۇمىستارىن بەلسەندى تۇردە جۇرگىزەمىز. اكىمشىلىك نەمەسە قىلمىستىق كودەكسكە قانداي دا ءبىر جازالاۋدى كوزدەيتىن تۇزەتۋ ەنگىزىلىپ جاتقان جوق. تاعى دا ايتامىن، قابىلدانىپ جاتقان شارا جازالاۋدى كوزدەمەيدى، - دەگەن سانجار ءادىلوۆ بەت-ءجۇزىن بۇركەمەلەگەن ادامعا تەك ەسكەرتۋ جاسالاتىنىن ايتتى.

سونداي-اق، ول بەت-ءجۇزىن بۇركەمەلەۋ ارقىلى قىلمىس جاساۋ ازايماي تۇرعانىن، ولاردىڭ اراسىندا ءبىر كىسى ءولىمى دە تىركەلگەنىن ءمالىم ەتتى.

كەشە، اتالعان ءىس ارنايى پروكۋرورلاردىڭ قاراۋىندا ەكەنىن ءمالىم ەتتى.

اۆتور

ەسىمجان ناقتىباي