بەس مينۋتتا جۇمىسقا تۇرۋ: ەندى ەڭبەك شارتىن ونلاين راسىمدەۋگە بولادى

استانا. KAZINFORM - قازاقستاندا ەڭبەك شارتتارىن قاشىقتان جاساۋ تەتىگى ەنگىزىلدى. سيفرلىق دامۋ، يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى قانىش تولەۋشين جۇمىسپەن قامتۋ سالاسىنداعى سيفرلىق شەشىمدەر تۋرالى ايتىپ بەردى.

ونىڭ ايتۋىنشا، بۇرىن جۇمىسقا ورنالاسۋ پروتسەسىندە اڭگىمەلەسۋ ءۇشىن جۇمىس بەرۋشىگە مىندەتتى تۇردە جەكە بارۋ، قاعاز قۇجاتتاردىڭ تولىق پاكەتىن ۇسىنۋ جانە قاعاز تۇرىندە ەڭبەك شارتىنا قول قويۋ تالاپ ەتىلەتىن.

- بۇگىنگى تاڭدا مەملەكەتتىك اقپاراتتىق جۇيەلەرمەن ينتەگراتسيا ارقىلى قاجەتتى قۇجاتتاردىڭ %90 دان استامى اۆتوماتتى ەلەكتروندى تۇردە قالىپتاستىرىلادى جانە تارتىلادى. ەڭبەك شارتى ەلەكتروندى تسيفرلىق قولتاڭبانى قولدانۋ ارقىلى قاشىقتان جاسالادى، جەكە بارۋ قاجەتتىلىگىن بولدىرمايدى، - دەپ ءتۇسىندىردى قانىش تولەۋشين بۇگىنگى ۇكىمەت وتىرىسىندا.

بۇل جاڭالىق 9,5 ميلليوننان استام ەڭبەككە قابىلەتتى ادامدى قامتيدى جانە قىزمەت كورسەتۋگە كەتەتىن ۋاقىتتى 3 كۇننەن 5 مينۋتقا دەيىن قىسقارتتى.

ايتا كەتەيىك، ەلىمىزدە زەينەتاقى دا اۆتوماتتى تۇردە تاعايىندالاتىن بولدى.

جۇمىسسىزدىق مارتەبەسى اۆتوماتتى تۇردە انىقتالىپ، پرواكتيۆتى تۇردە بوس جۇمىس ورىندارى ۇسىنىلادى.

اۆتور

ايجان سەرىكجان قىزى