بريتانيالىقتار باسقا ەلدىڭ ازاماتتىعىن الۋ ءۇشىن د ن ق تەستىن پايدالانىپ جاتىر

استانا. KAZINFORM - ماماندار ادامدار وزدەرىنىڭ گەنەالوگيالىق د ن ق سىنامالارىنىڭ ناتيجەلەرىن باسقا ەلدەردىڭ ازاماتتىعىن الۋ ءۇشىن قولدانا باستاعانىن ايتتى، دەپ حابارلايدى The Guardian.

د ن ق گەنەالوگيالىق سىناقتارى العاش قولجەتىمدى بولعان 2000 -جىلدان بەرى الەم بويىنشا 40 ميلليوننان استام ادام ءارتۇرلى كومپانيا ارقىلى بۇل قىزمەتتەردى پايدالانعان.

«ادامدار قانشالىقتى كوپ سىناقتان ءوتىپ، وزدەرىنىڭ شىعۋ تەگى مەن بيولوگيالىق اتا-انالارى تۋرالى بىلسە، سوعۇرلىم ولار بۇل دەرەكتەردى بەلگىلى ءبىر ەلدىڭ ازاماتتىعىن الۋ ءۇشىن دالەل رەتىندە پايدالانا الادى»، - دەدى بات ۋنيۆەرسيتەتىندەگى ميلنەر ەۆوليۋتسياسى ورتالىعىنىڭ ديرەكتورى، پروفەسسور تۋري كينگ.

كينگ د ن ق تەستىن تاپسىرۋ كەيبىر بريتانيالىقتار ءۇشىن بولاشاقتا قوس ازاماتتىق الۋدىڭ وڭاي ءارى كەڭ تارالعان ءتاسىلى بولادى دەپ سانايدى. ونىڭ ايتۋىنشا، ە و- عا مۇشەلىگى بار يرلاند ءتولقۇجاتتارى قاتتى سۇرانىسقا يە بولۋى مۇمكىن.

ونداعان جىلدار بويى تۇرمىسقا شىقپاعان يرلانديالىق انالار بالالارىن بريتانيالىقتاردىڭ اسىراپ الۋىنا بەرۋگە ءماجبۇر بولدى.

يرلانديا سىرتقى ىستەر دەپارتامەنتىنىڭ وكىلى وسى ەلدىڭ الەۋەتتى ازاماتتارى اتا-اناسىنىڭ ءبىرى ارقىلى يرلانديا ازاماتتىعىن الۋعا قۇقىقتارىن دالەلدەۋ ءۇشىن د ن ق دالەلدەرىن پايدالانا باستاعانىن جانە بۇل دالەل ءتولقۇجات الۋعا ءوتىنىش بەرگەن كەزدە قابىلداناتىنىن راستادى. مىسالى، 2022 -جىلى «DNAFamilySecrets» شوۋىنا تۇسكەن ريچارد سەيەرس ە و ازاماتتىعىن الۋ ءۇشىن د ن ق دالەلدەرىن پايدالانعان العاشقى بريتانيالىقتاردىڭ ءبىرى بولدى.

اۆتور

زارينا تۋعانبايەۆا