بريتاندىق 600 جىلدىق تاريحى بار تەاتردان شەكسپير زامانىنا اپاراتىن جاسىرىن ەسىك تابىلدى
ۇلى بريتانياداعى قازىرگە دەيىن جۇمىس ىستەپ تۇرعان ەڭ كونە تەاتردا ايگىلى اعىلشىن دراماتۋرگى ۋيليام شەكسپيردىڭ گريم بولمەسىنە اپاراتىن 600 جىلدىق كەرەمەت ەسىك انىقتالدى.
ۇلى بريتانياداعى قازىرگە دەيىن جۇمىس ىستەپ تۇرعان ەڭ كونە تەاتردا ايگىلى اعىلشىن دراماتۋرگى ۋيليام شەكسپيردىڭ گريم بولمەسىنە اپاراتىن 600 جىلدىق كەرەمەت، جاسىرىن ەسىك انىقتالدى، دەپ حابارلايدى euronews.com.
ەكى حابارلاندىرۋ تاقتاسى الىنعان كەزدە، 18-عاسىردىڭ قابىرعاسى كورىنگەن. بۇل قابىرعانىڭ كىرپىشتەرى الىنعاندا، ودان دا ەسكى اركا پايدا بولعان.
«بىزدە سول كەزەڭگە تيەسىلى ەسىك بار، وندا، ءبىزدىڭ ويىمىزشا، شەكسپير ونەر كورسەتكەن، جانە بۇل، شاماسى، اكتەرلەر كيىنىپ، رەكۆيزيت ساقتاعان بولمەگە اپاراتىن ەسىك بولعان»، - دەدى فيسحيگەم The Guardian باسىلىمىنا بەرگەن سۇحباتىندا.
1445 -جىلى العاشقى قويىلىمدار وتكەن اۋليە گەورگيي راتۋشاسى شەكسپير دۇنيەگە كەلمەس بۇرىن دا سول ءداۋىردىڭ تەاتر ومىرىندە ماڭىزدى ءرول اتقارعان. راتۋشا گاسترولدىك توپتار، سونىڭ ىشىندە 1583 -جىلى كوروليەۆا ەليزاۆەتا I بۇيرىعىمەن قۇرىلعان Queen Elizabeth's Men ترۋپپاسى ءۇشىن تانىمال ورىن بولدى، ولار 1500 -جىلداردىڭ سوڭىندا سول جەردە ون رەت ونەر كورسەتكەن.
شىعىس انگليا ۋنيۆەرسيتەتىنىڭ پروفەسسورى مەتيۋ ۆۋدكوك جۇرگىزگەن سوڭعى زەرتتەۋلەر لوندوندىق تەاترلار وباعا بايلانىستى جابىلعان 1593 -جىلى شەكسپير پەمبرۋك گرافىنىڭ ترۋپپاسىمەن بىرگە گيلديا عيماراتىندا ونەر كورسەتكەن دەگەن جەرگىلىكتى سەنىمدى راستادى.
بۇگىنگى تاڭدا I ساناتتاعى ارحيتەكتۋرالىق ەسكەرتكىشتەر تىزىمىنە كىرەتىن راتۋشا - انگليادا شەكسپير ونەر كورسەتكەن جالعىز بەلگىلى تەاتر جانە انگليادا ساقتالىپ قالعان ەڭ ۇلكەن ورتاعاسىرلىق گيلديا عيماراتى.
